شىن ەلەستەرى بار الەمدەگى ەڭ تانىمال قوناق ۇيلەردى بىلەسىز بە؟
ءاربىر قوناق ۇيدەگى ەلەستىڭ ءوز تاريحى بار. تىزىمدەگى جەرلەردە ناعىز تاريحي وقيعالار ورىن العان.
لوس-انجەلەستەگى Hollywood Roosevelt قوناق ءۇيى
ەگەر ءسىز ەسكى گولليۆۋدتىڭ جانكۇيەرى بولساڭىز، بۇل جەر سىزگە ارنالعان. اڭىزدارعا سەنسەك، قوناق ۇيدە تانىمال اكتريسا مەريلين مونرونىڭ ەلەسى جۇرەدى ەكەن. كەلۋشىلەر عيماراتتىڭ ىشىندە مەريلينگە ۇقسايتىن اق قۇبا كەلىنشەكتىڭ جۇرگەنىن جارىسا ايتۋدا.
ەدينبۋرگ قالاسىنداعى دالحاۋزي قوناق ءۇيى
بۇل ساراي 13- عاسىردا سالىنىپ، گراف ءدالحاۋزيدىڭ رەزيدەنتسياسى بولىپ سانالدى. 1977-جىلى جەرىلەرىن ساتىپ جىبەردى. ەندى بۇل جەردە سپا قوناق ءۇي ورنالاستى. دالحاۋزي سارايىندا ەلەستى كەزدەستىرۋ قيىن سوقپاس. كوپشىلىك عيماراتتىڭ ىشىندە كەترين حانىم دەپ اتالاتىن ەلەستىڭ جۇرگەنىن ءسوز ەتەدى. بولجام بويىنشا، ول ماحابباتتىڭ ازابىن تارتىپ، قايتىس بولعان. جانى تىنىشتىق تاپپاعان ارۋ بۇگىندە ءبىزدىڭ الەمىمىزگە كەلىپ تۇرادى ەكەن.
انگلياداعى تراكتير «يامايكا» قوناق ءۇيى
بۇل جەردى تانىمال جازۋشى دافنا ديۋ مورە ءوز تۋىندىسىنا قوستى. دافنا 30-جىلدارى وسى قوناق ۇيدە قونعان. اتالعان عيمارات 1750-جىلى بۇقپا ساۋداگەرلەرگە تيەسىلى بولعان. كۋاگەرلەردىڭ سوزىنشە، بۇل جەردەن ءتۇرلى ەلەستەردى كورۋگە بولادى. سونداي-اق، ۇنەمى اتتاردىڭ جۇرگەنى، اربانىڭ سىقىرى، قادامداردىڭ داۋسىن ەستۋگە بولادى.
سان-ديەگوداعى Hotel del Coronad قوناق ءۇيى
1887-جىلى سالىنعان قوناق ۇيدە 1892-جىلى جۇكتى بولعانىنا قاراماستان كۇيەۋىنەن كەتىپ قالعان كەيت مورگان ەسىمدى كەلىنشەك توقتاعان. بىرنەشە كۇن وتكەننەن كەيىن ونىڭ دەنەسى قوناق ءۇيدىڭ باسپالداعىنان تابىلدى. بولعان وقيعا ءوز-وزىنە قول جۇمساۋ بولىپ تانىلعانىمەن، تەرگەۋشىلەر ونى بىرەۋ ءولتىرىپ كەتتى دەگەن تۇجىرىمداما جاسادى. ال بىرنەشە كۇننەن سوڭ ول جەردە ايەل ادامنىڭ ەلەسى جۇرە باستاعان. ول ءوزى تۇرعان 302 بولمەنىڭ ىشىندە جۇرەتىن.
لوندونداعى Langham قوناق ءۇيى
Langham قوناق ءۇيىنىڭ كەلۋشىلەرى ءتورتىنشى قاباتتان ۇنەمى اسكەري كيىم كيگەن ادامنىدى كورەتىندەرىن ايتادى. شامامەن بۇل ءبىرىنشى دۇنيەجۇزىلىك سوعىستىڭ الدىندا وسى قاباتتان سەكىرىپ كەتكەن حانزادانىڭ ەلەسى بولۋى كەرەك. ەلەستى كوبىنەسە 333- بولمەدەن كورۋگە بولادى. ەر ادام كوبىنەسە قازان ايىندا قوناق ۇيدە ءجيى جۇرەدى ەكەن. قاۋەسەتتەر بويىنشا، قوناق ۇيدە كەزىندە قوناقتاعان III ناپالەوننىڭ ەلەسى جۇرەدى ەكەن.
