ءبىر اي بۇرىن جوعالىپ كەتكەن رەسەي تىكۇشاعى تابىلدى
«7- قىركۇيەكتە تايمىر مۋنيتسيپالدىق اۋدانى ءبىرىڭعاي كەزەكشىلىك-ديسپەتچەرلىك قىزمەتىنە جەرگىلىكتى تۇرعىنداردان دۋدينكا قالاسىنان وڭتۇستىك-باتىسقا قاراي 47 شاقىرىم قاشىقتىقتا ورتەنىپ كەتكەن تىكۇشاق تابىلعانى تۋرالى حابار تۇسكەن. 8- قىركۇيەكتە ماسكەۋ ۋاقىتىمەن 04:50 دە تىكۇشاق قۇلاعان جەرگە وڭىرلىك ۇيلەستىرۋ ىزدەۋ-قۇتقارۋ ورتالىعىنىڭ تىكۇشاعى كەلدى. قازىرگى تاڭدا تەرگەۋ شارالارى ءجۇرىپ جاتىر. اپپاراتتىڭ اپاتقا ۇشىراپ، جانىپ كەتكەنى راستالدى»، - دەلىنگەن ت ج م حابارلاماسىندا.
ءسىبىر اۆيتسيالىق ىزدەۋ-قۇتقارۋ ورتالىعى وقيعا ورنىنان ەكى ادامنىڭ ءمايىتى تابىلعانىن حابارلادى.
«ەكى ءمايىت، ياعني ءمايىت قالدىقتارى تابىلدى. اۋە كەمەسى تولىقتاي قيراپ، جانىپ كەتكەن»، - دەدى اگەنتتىك دەرەككوزى.
قازىرگى تاڭدا تىكۇشاقتىڭ 11- تامىزدا نوۆىي ۋرەنگويدان دۋدينكاعا ۇشىپ بارا جاتىپ، جوعالىپ كەتكەن اۋە كەمەسى ەكەندىگى تەكسەرىلىپ جاتىر.
ولكەلىك ت ج م دەرەگى بويىنشا، ۇشىرىلىم اۋە كولىگى ورگاندارىنىڭ كەلىسىمىنسىز جۇزەگە اسىرىلعان، ونىڭ ناقتى باعىتى بەلگىسىز. اۋە كەمەسىنىڭ بورتىندا 3 ادام بولعان.
