ەلوردادا ازيا ەلدەرى قالامگەرلەرىنىڭ تۇڭعىش فورۋمىنىڭ سالتاناتتى جابىلۋ ءراسىمى ءوتتى
ونى ءمينيستردىڭ ورىنباسارى نۇرعيسا داۋەشوۆ وقىپ بەردى، دەپ حابارلايدى قازاقپارات ءتىلشىسى.
«ادامزات وركەنيەتى بۇگىندە رۋحاني ساباقتاستىقتى، ورتاق قۇندىلىقتاردى ءسىڭىرۋ مەن ناسيحاتتاۋعا ءزارۋ. وسىنداي جاھاندىق ماسەلەنى نەگىزگە الىپ ازيا قالامگەرلەرىنىڭ I فورۋمى «ورتاق تامىر، ورتاق دۇنيەتانىم، ورتاق وركەنيەت» دەگەن اتاۋمەن وتكىزىلدى. بۇل ءبىر جاعىنان عالامدىق تاقىرىپ بولسا، ەكىنشى جاعىنان قازاقستاننىڭ بىرلىك پەن بەيبىتشىلىككە باعىتتالعان گەوساياسي ۇستانىمىن كورسەتەدى. ازيا قالامگەرلەرىمەن تاجىريبە الماسا وتىرىپ، ورتاق رۋحاني قۇندىلىقتاردى پاش ەتەتىن اشىق پلاتفورما قالىپتاستىرۋ سىندى ءبىرقاتار ماقسات- مىندەتتەردى كوزدەگەن تۇڭعىش فورۋمىمىز ءوز مەجەسىنە جەتىپ وتىر. فورۋمنىڭ اياسىندا ايتىلعان سىندارلى پىكىر، تولىمدى ويلار ورتاق تامىردان ءنار الىپ، ورتاق دۇنيەتانىمعا تەرەڭ بويلاپ، ورتاق وركەنيەتتى پاش ەتەتىن قۇندى شىعارمالار تۋعىزۋعا سەپتىگىن تيگىزەدى دەگەن ويدامىن«، - دەدى مينيستر.
ونىڭ دەرەگىنشە، ازيا ايماعىنداعى حالىقتىڭ سانى جەر شارى تۇرعىندارىنىڭ ۇشتەن ەكىسىن قۇراسا، الەم حالقىنىڭ سانى كوپ 10 ەلدىڭ 6 ۋى ازيا ەلدەرىنەن ەكەن. ال نۇر- سۇلتان قالاسىندا وتكىزىلگەن فورۋمعا ازيا قۇرلىعىن مەكەن ەتىپ وتىرعان 38 شەت مەملەكەتتەن 80 گە جۋىق قالامگەردىڭ كەلۋى فورۋمنىڭ عالامدىق سيپاتتا ەكەنىن كورسەتەدى.
» قازاقستان رەسپۋبليكاسىنىڭ تۇڭعىش پرەزيدەنتى - ەلباسى ن. ءا. نازاربايەۆتىڭ «رۋحاني جاڭعىرۋ» باعدارلاماسىنىڭ اياسىندا وتكىزىلىپ وتىرعان القالى جيىندا باس قوسقان نوبەل سىيلىعىنىڭ نومينانتتارى، بۋكەر جانە ASEAN ادەبي جۇلدەسىنىڭ لاۋرەاتتارى، ۇلتتىق، مەملەكەتتىك سىيلىقتاردىڭ يەگەرلەرى، ەلىمىزدىڭ تالانتتى قالامگەرلەرى الەمدى تەربەپ، ادامي قۇندىلىقتاردى ناسيحاتتاۋدا بايىرعى مۇرالاردى، ميفتىك بەينەلەردى جاڭعىرتا پايدالانۋدىڭ ماڭىزى زور ەكەندىگىن باياندادى. ازيا وركەنيەتى تۋرالى ءسوز بولعاندا بىردەن ويعا ورالاتىن ۇلى جىبەك جولىنىڭ ەكونوميكالىق ماڭىزىن عانا ەمەس، ونىڭ تۇتاس وركەنيەتتەردى توعىستىراتىن كۇشكە يە بولعانىن ەسكەرۋ قاجەتتىگىن باسا كورسەتكەن مەملەكەت باسشىسى قاسىم- جومارت توقايەۆ ءوز بايانداماسىندا ازيا ادەبيەتىن ودان ءارى دامىتۋ ءۇشىن ءبىرقاتار ماڭىزدى ماسەلەلەرگە قالامگەرلەردىڭ نازارىن اۋدارتتى. مەملەكەت باسشىسىنىڭ «ازيا الىبى» حالىقارالىق ادەبي سىيلىعىن تاعايىنداۋ جانە ازيا قالامگەرلەرى تۋىندىلارىنىڭ ءبىرتۇتاس ەلەكتروندى كىتاپحاناسىن قۇرۋ تۋرالى بىلدىرگەن ۇسىنىستارى بارشامىزعا وي تاستاپ، سەرپىن بەرگەنى انىق«، - دەدى اقتوتى رايىمقۇلوۆا.
ءمينيستردىڭ پايىمىنشا، جازۋشىنىڭ ماقساتى - قوعامنىڭ بويىنا ادامگەرشىلىك، ىزگىلىك قاسيەتتەرىن ءسىڭىرۋ. «ادام» اتتى ءارى جاسامپاز، ءارى سان قىرلى الەمنىڭ قۇپياسىنا بويلاۋ، ونىڭ قيلى مىنەزى مەن ارەكەتتەرىنىڭ قيسىنىن كوركەم بەينەلەۋ. ازيا حالىقتارىن بىرىكتىرەتىن ازاماتتىق ورتاق قۇندىلىقتار، اسىرەسە جاستاردىڭ ساناسىن جاھاندانۋ زامانىندا ۇلى مۇراتتارعا باۋلۋ بولماق.
«ءداستۇرلى ازيا وركەنيەتى مەن پراگماتيك ەۋروپا مادەنيەتى اراسىنداعى ۇلى دالاعا تاۋەلسىزدىك تۋىن تىككەن قازاق ەلىنىڭ استاناسى نۇر- سۇلتان قالاسىندا ۇيىمداستىرىلعان كونتينەنتتىك اسا ءىرى فورۋم بارىمىزگە وي سالىپ، سىزدەردى جاڭا شىعارماشىلىق بيىكتەرگە جەتەلەيتىنىنە سەنىممەن قاراپ، قوعام مەن ادام ءۇشىن ماڭىزدى وسىنداي شارالار قاجەت!» ، - دەدى ول.
شارا بارىسىندا ازيا ەلدەرى قالامگەرلەرىنىڭ ءبىرىنشى فورۋمى دەلەگاتتارىن ماراپاتتاۋ ءراسىمى ءوتتى. قاتىسۋشىلارعا ەستەلىك سىيلىق پەن سەرتيفيكاتتار تابىستالدى. ودان كەيىن گالا- كونسەرت بولدى. كونتسەرتتىك باعدارلاما اياسىندا «تۇران» ەتنو- فولكلورلىق توبى، قازاقستاننىڭ ەڭبەك سىڭىرگەن قايراتكەرى جاميليا جارقىمبايەۆا جانە «ماستەر- كلاسس» بي- سپورت كلۋبى، «سەرپەر» دومبىراشىلار ءانسامبلى، شالقىما» حالىق بي ءانسامبلى، مۇزارت توبى ونەر كورسەتتى.
