اسىلبەك قوجاحمەتوۆ: ايماقتىق جانە سالالىق قوعامدىق كەڭەس وكىلدەرىن ۇلتتىق كەڭەستىڭ جۇمىسىنا تارتۋ كەرەك
«ازاماتتىق قوعام پارتيالارعا قاراعاندا بيلىككە ۇمتىلمايدى. ازاماتتىق قوعام بيلىكتىڭ جۇمىسىنا باقىلاۋ جاساي الاتىن بولسا، حالىقتىڭ بەلسەندىلىگى، ءوزىن- ءوزى باسقارۋعا دەگەن ۇمتىلىسى ارتار ەدى»، - دەدى ول ەلورداداعى ۇلتتىق قوعامدىق سەنىم كەڭەسىنىڭ العاشقى وتىرىسى
ونىڭ ايتۋىنشا، قوعامدىق كەڭەستىڭ جۇمىسىنداعى نەگىزگى ماسەلەلەردىڭ ءبىرى - ازاماتتىق قوعامدى دامىتۋعا جاردەمدەسۋ.
«شىن مانىندە، بۇل باعىت ءبىزدىڭ ۇلتتىق كەڭەستىڭ اتاۋىندا بەلگىلەنىپ تۇر. ازاماتتىق قوعام مەن قوعامدىق كەڭەستەر ءبىرىن- ءبىرى تولىقتىرىپ تۇرۋعا نەگىزدەلگەن قۇرىلىمدار. سول ۋاقىتتا ءبىز قازاقستاندىق قوعام الدەقايدا بەلسەندى بولا تۇسەدى. ماسەلەن، قازىرگى ۋاقىتتا مينيسترلىكتەر مەن وبلىستىق، اۋداندىق اكىمدىكتەر جانىندا 226 قوعامدىق كەڭەس جۇمىس ىستەيدى. ونىڭ 75 پايىزى ازاماتتىق قوعام وكىلدەرى. وكىنىشتىسى، مينيسترلىكتەر مەن اكىمدىكتەردە قۇرىلعان قوعامدىق كەڭەستەر قىزمەتىنىڭ مازمۇنى ولارعا جۇكتەلگەن مىندەتتەرگە ساي كەلە بەرمەيدى. قوعامدىق كەڭەستەر ءوز الەۋەتىن تولىققاندى ىسكە اسىرا الماي جاتىر»، - دەدى ول.
اسىلبەك قوجاحمەتوۆ ءوز وزىندە ۇلتتىق كەڭەس قوعامدىق كەڭەستەردى شوعىرلاندىرۋشى ءارى ىنتالاندىرۋشى قۇرىلىم بولعاندىقتان، ونىڭ قۇرىلىمىن ءالى دە دامىتا ءتۇسۋ كەرەك دەگەن پىكىر ءبىلدىردى.
«سوندىقتان، جەرگىلىكتى جانە ايماقتىق قوعامدىق كەڭەستەردەن سول وڭىردەگى الەۋمەتتىك حال- احۋالدى ءبىلىپ وتىرۋ ءۇشىن ۇلتتىق كەڭەسكە قوعامدىق ساراپتامالار كەرەك. وسىنداي ارەكەتتەر قوعامدىق كەڭەس جۇمىسىن جاقسارتۋدىڭ ءبىر جولى بولار ەدى. ايماقتىڭ جانە سالالىق قوعامدىق كەڭەستىڭ وكىلدەرىن ۇلتتىق كەڭەستىڭ جۇمىسىنا جانە جۇمىسشى توپتارىنا تارتۋ كەرەك دەپ ويلايمىن»، - دەدى ول.
اۆتور: ايان بەكەن ۇلى
