ەلىمىزدە جازۋشىلار زەرتحاناسى اشىلۋى مۇمكىن
اتالعان ينستيتۋت قۇرىلسا، ازياداعى اقىن- جازۋشىلار اراسىندا بايلانىس ورناپ، ادەبيەت جانرلارى زەرتتەلەدى. ايتپەسە قازىر ەلدەردىڭ زيالى قاۋىم وكىلدەرى ءبىر- ءبىرىن تانىمايدى. ينتەگراتسيا جوق. بايلانىس بولماعان سوڭ كوپ ادەبيەتتەر شەت تىلدەرگە اۋدارىلماي جاتىر. ال جيىنعا قاتىسقانداردىڭ باياندامالارى جيناقتالىپ، سەگىز تىلگە ءتارجىمالانادى. سول كەزدە فورۋم سەسسياسىندا ايتىلعان ۇسىنىستار ناقتى جۇزەگە اسپاق.
باۋىرجان جاقىپ، اقىن، قازاقستان جازۋشىلار وداعى باسقارما ءتوراعاسىنىڭ ورىنباسارى:
- ماسەلەن، جاپون ادەبيەتى مەن قىتاي ادەبيەتى قانداي دەڭگەيدە ەكەنىن ءبىز بىلمەيمىز. ولاردىڭ قازىرگى جازىپ جاتقان دۇنيەلەرىن وقىساق، وزىمىزگە اۋدارىپ، سوندا عانا تۇسىنەمىز. سوندىقتان بۇل فورۋمنىڭ بەرەرى - ءبىزدىڭ قازاق ادەبيەتى ازيا ەلدەرىنىڭ تىلدەرىنە اۋدارىلادى. ولاردىڭ شىعارمالارى، كىتاپتارى بىزگە اۋدارىلادى.
www.24.kz
