ۇكىمەت تابىستى تولىق كولەمدە الۋ جاعىنان قازاقستاننىڭ مۇددەسىن قورعاۋى ءتيىس - پرەزيدەنت
«مۇناي-گاز كومپانيالارىنىڭ الەۋمەتتىك اۋدارىمدارىنىڭ ارقاسىندا مىڭداعان ازاماتتارىمىزعا، اسىرەسە اۋىلدىق جەرلەردىڭ تۇرعىندارى ءۇشىن زاماناۋي مەكتەپتەر، اۋرۋحانالار، سپورت ورتالىقتارى، باسقا ينفراقۇرىلىم نىساندارى سالىندى. دەگەنمەن، ءبىز ءبىر ورىندا توقتاپ قالماۋىمىز كەرەك»، - دەيدى پرەزيدەنت.
ونىڭ ايتۋىنشا، ءوندىرىس دەڭگەيىن جۇيەلى نەگىزدە ارتتىرۋىمىز قاجەت.
«وسىعان بايلانىستى مەن ۇكىمەتكە كونسورتسيۋمنىڭ مەردىگەر كومپانيالارىمەن بىرلەسىپ، قاشاعان كەن ورنىن تولىققاندى يگەرۋدىڭ جول كارتاسىن قىسقا مەرزىم ىشىندە كەلىسۋدى تاپسىرامىن»، - دەدى مەملەكەت باسشىسى.
«ادىلدىك يندەكسى» اياسىندا تۋىنداعان ماسەلەلەر بويىنشا ورتاق كەلىسىمگە كەلۋ قاجەت. قازاقستاندا شەتەلدىك ينۆەستورلار ءۇشىن قولايلى جاعداي جاسالىپ وتىر. سوندىقتان ۇكىمەت تۇسەتىن تابىستى تولىق كولەمدە الۋ جاعىنان قازاقستاننىڭ مۇددەسىن قورعاي ءبىلۋى ءتيىس»، - دەدى قاسىم-جومارت توقايەۆ.
