ب ۇ ۇ باس حاتشىسىنىڭ ارنايى وكىلى «جۋسان» وپەراتسياسىن جوعارى باعالادى

نۇر-سۇلتان. قازاقپارات – ق ر سىرتقى ىستەر ءمينيسترى بەيبىت اتامقۇلوۆ ب ۇ ۇ باس حاتشىسىنىڭ ارنايى وكىلى - ب ۇ ۇ ورتالىق ازياداعى پرەۆەنتيۆتىك ديپلوماتيا جونىندەگى وڭىرلىك ورتالىعىنىڭ باسشىسى ناتاليا گەرماندى قابىلدادى، دەپ حابارلايدى قازاقپارات مينيمترلىكتىى باسپا ءسوز قىزمەتىنە سىلتەمە جاساپ.

كەزدەسۋ بارىسىندا بەيبىتشىلىك پەن قاۋىپسىزدىك، تەرروريزمگە قارسى كۇرەس، سۋ-ەنەرگەتيكالىق پروبلەماتيكاسى، پريەۆەنتيۆتى ديپلوماتيانى نىعايتۋ سالالارىنداعى وڭىرلىك ىنتىماقتاستىق ماسەلەلەرى تالقىلاندى.

سىرتقى ساياسي ۆەدومستۆوسىنىڭ باسشىسى قازاقستاننىڭ ب ۇ ۇ وڭىرلىك ورتالىعىنىڭ قىزمەتىن قولدايتىن اتاپ ءوتتى. ورنىقتى دامۋ، بەيبىتشىلىك جانە قاۋىپسىزدىكتى قامتاماسىز ەتۋ سالالارىنداعى قازاقستاننىڭ باستامالارىمەن تانىستىردى.

ن. گەرمان تەرروريزمگە قارسى كۇرەسكە قازاقستاننىڭ ۇلەسى، اتاپ ايتقاندا، سيريا اۋماعىنان قازاقستاندىق ازاماتتاردى شىعارۋ جونىندەگى «جۋسان» گۋمانيتارلىق وپەراتسياسىنىڭ ناتيجەلەرىن جوعارى باعالادى. وپەراتسيا ناتيجەسى بويىنشا اسكەري قاقتىعىس بولىپ جاتقان اۋماقتارىنان 600 گە جۋىق ازامات شىعارىلعان. ن. گەرماننىڭ ايتۋىنشا، ۇقساس وپەراتسيانى وتكىزۋ بويىنشا تاجىريبەنى قابىلداۋعا قىزىعۋشىلىقتى ءبىلدىرىپ، قىرعىزستان جانە تاجىكستان قازاقستاننىڭ جولىن تاڭدادى.

وڭىرلىك ورتالىعىنىڭ باسشىسى ايەلدەر مەن جاستاردى قاقتىعىستاردى الدىن الۋ مەن شەشۋ، بەيبىتشىلىك قۇرۋ، بىتىمگەرشىلىك پروتسەستەرىنە قاتىستىرۋعا باعىتتالعان وڭىرلىك ورتالىعىنىڭ جاڭا باستامالارىن حابارلادى.

تاراپتار ترانسشەكارالىق سۋ پايدالانۋ جانە قورعاۋ ماسەلەلەرىنە ەرەكشە كوڭىل ءبوپ، سۋ ىنتىماقتاستىعى بويىنشا ورتالىق ازيا ەلدەرىمەن بىرلەسكەن كوپجىلدىق تۇجىرىمداماسىن دايىنداۋ قاجەتتىگىن اتاپ ەتىلدى.

ب ۇ ۇ ورتالىق ازياداعى پرەۆەنتيۆتى ديپلوماتيا جونىندەگى وڭىرلىك ورتالىعى قاقتىعىستاردى الدىن الۋ سالاسىنداعى وڭىرلىك ەلدەرىنىڭ الەۋەتىن نىعايتۋ ءۇشىن 2007 -جىلعى 10 -جەلتوقساندا اشعابات قالاسىندا ورتالىق ازيا ەلدەرىنىڭ باستاماسىمەن اشىلعان.