قازاقستاننىڭ ءبىرقاتار ەلدەردەگى جاڭا ەلشىلەرى تاعايىندالدى

نۇر-سۇلتان. قازاقپارات - مەملەكەت باسشىسىنىڭ جارلىعىمەن جانار سەيداقمەت قىزى ايتجان جەنەۆا قالاسىنداعى (شۆەيتساريا) بىرىككەن ۇلتتار ۇيىمىنىڭ بولىمشەسى مەن باسقا دا حالىقارالىق ۇيىمدار جانىنداعى قازاقستان رەسپۋبليكاسىنىڭ تۇراقتى وكىلى قىزمەتىنە تاعايىندالدى.

بۇل تۋرالى اقوردانىڭ باسپا ءسوز قىزمەتى حابارلادى.

جانار سەيداقمەت قىزى ايتجان ول قازاقستان رەسپۋبليكاسىنىڭ شۆەيتساريا كونفەدەراتسياسىنداعى توتەنشە جانە وكىلەتتى ەلشىسى قىزمەتىنەن، قازاقستان رەسپۋبليكاسىنىڭ ليحتەنشتەين كنيازدىگىندەگى، ۆاتيكان مەملەكەتىندەگى، قاسيەتتى يەرۋساليم يواننى، رودوس جانە مالتانىڭ ەگەمەندى اسكەري گوسپيتالەرلەرى وردەنىنىڭ جانىنداعى توتەنشە جانە وكىلەتتى ەلشىسى قىزمەتتەرىن قوسا اتقارۋدان بوساتىلدى.

سونداي-اق، مەملەكەت باسشىسىنىڭ جارلىعىمەن الىبەك اسەت ۇلى باقايەۆ قازاقستان رەسپۋبليكاسىنىڭ شۆەيتساريا كونفەدەراتسياسىنداعى توتەنشە جانە وكىلەتتى ەلشىسى قىزمەتىنە تاعايىندالدى.

ودان بولەك ەرلان التىنباي ۇلى الىمبايەۆ قازاقستان رەسپۋبليكاسىنىڭ ءۇندىستان رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى.