مارات ءتاجين ازيا قالامگەرلەرىمەن كەزدەستى
كەزدەسۋگە نوبەل سىيلىعىنىڭ نومينانتتارى وڭتۇستىك كورەيا قالامگەرى كو ىن، كاتارلىق موزا ال-مالكي، موڭعوليالىق گومبوجاۆىن مەند ووەو، ازەربايجان حالىق جازۋشىسى انار راسۋىل رزايەۆ، رەسەي جازۋشىسى اناتولي كيم، قازاقستاننىڭ حالىق جازۋشىسى، اقىن ولجاس سۇلەيمەنوۆ باستاعان ءبىر توپ قالامگەر قاتىستى.
كەزدەسۋ بارىسىندا مارات ءتاجين فورۋم ەلىمىزدىڭ استاناسىندا ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ باستاماسىمەن ءوتىپ جاتقانىن ايتتى.
مەملەكەتتىك حاتشى كەزدەسۋگە قاتىسۋشىلاردىڭ نازارىن مەملەكەت باسشىسى قاسىم-جومارت توقايەۆتىڭ فورۋمدا سويلەگەن سوزىندە ايتىلعان نەگىزگى تەزيستەرىنە جانە ولاردى ىسكە اسىرۋ قاجەتتىگىنە اۋداردى.
قوناقتار بىرەگەيلى جوعارى دەڭگەيدە جانە مازمۇندىق تولىققاندى ۇيىمداستىرعان شاراعا قازاقستان باسشىلىعىنا، قازاقستاندىقتاردىڭ جىلى قابىلداۋىنا، سونىمەن قاتار قىزىقتى پىكىرسايىستارعا ريزاشىلىق ءبىلدىردى.
كەزدەسۋگە قاتىسۋشىلار فورۋم ازيا ەلدەرىنىڭ ادەبي قاۋىمداستىقتارى اراسىنداعى ءوزارا ءىس- قيمىلدى نىعايتاتىندىعىنا سەنىم ءبىلدىردى.
