05:45, 04 - قىركۇيەك 2019 | GMT +6
ۇشاققا بيلەت الىپ، ءبىراق ۇشپاي قالعان ازامات اباقتىعا جابىلۋى مۇمكىن
نۇر- سۇلتان. قازاقپارات - سينگاپۋردا 27 جاستاعى جولاۋشى اۋەجايدا تۇتقىنعا الىندى. ول بيلەت الىپ، ءبىراق ۇشپاي قالعان.
ول اۋەجايدىڭ ترانزيتتىك اۋماعىنا كىرىپ، ايەلىمەن قوشتاسۋ ءۇشىن بيلەت العان. ءبىراق ونى تۇتقىنعا العان. جەرگىلىكتى زاڭعا سايكەس وتىرعىزۋ تالونىن العان ادام ساياحاتتاۋعا باراتىن بولسا عانا ترانزيتتىك اۋماققا كىرە الادى.
ول ەندى ەرەجە بۇزعانى ءۇشىن ەكى جىلعا سوتتالىپ، 13 مىڭ ەۋرو ايىپپۇل تولەۋى مۇمكىن.
