10:27, 03 - قىركۇيەك 2019 | GMT +6
كريشتيانۋ رونالدۋ بايلىعىن كىمگە قالدىراتىنى جايلى وسيەت حات جازدى
نۇر-سۇلتان. قازاقپارات - تۋريندىك «يۋۆەنتۋستىڭ» جانە پورتۋگاليا قۇراماسىنىڭ شابۋىلشىسى كريشتيانۋ رونالدۋ وسيەت حات جازدى.
بۇل ونىڭ مەزگىلسىز ومىردەن ءوتۋى مۇمكىن جاعدايعا ارنالىپ جاسالىپ وتىر، دەپ حابارلايدى قازاقپارات AS- عا سىلتەمە جاساپ.
پورتۋگاليالىق فۋتبولشىنىڭ مۇلىگىنە باستى ۇمىتكەر - سۇيىكتىسى دجوردجينا رودريگەس بولماق.
قۇجاتتىڭ ەرەكشە تۇستارى دا بار. رونالدۋدىڭ بارلىق مۇلكىنە دجوردجينا يە بولىپ قالعانىمەن ونى اناسى ماريا دولورەس اۆەيرۋ باسقاراتىن بولادى.
قازىرگى تاڭدا رونالدۋدىڭ قارجىلىق قورى 300 ميلليون ەۋروعا باعالانۋدا. پورتۋگاليالىق فۋتبولشى سۇيىكتىسىمەن 2018 -جىلدىڭ قاراشا ايىندا نەكەلەسكەن ەدى.
