13:43, 02 - قىركۇيەك 2019 | GMT +6
توقايەۆ: جوعارى وقۋ ورىندارىنىڭ سانىن قىسقارتۋ قاجەت
نۇر-سۇلتان. قازاقپارات - تۇلەكتەرىن جۇمىسپەن قامتي المايتىن جوعارى وقۋ ورىندارىنىڭ سانىن قىسقارتۋ ماسەلەسىن قاراستىرۋ قاجەت.
بۇل تۋرالى بۇگىن قازاقستان حالقىنا جولداۋىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«ءوز تۇلەكتەرىن جۇمىسپەن قامتۋ جاعىنان ەلىمىزدەگى جوعارى ورىندارىنىڭ جارتىسى عانا 60 پايىزدىق دەڭگەيگە قول جەتكىزىپ وتىر. سوندىقتان ولاردىڭ سانىن قىسقارتۋ ماسەلەسىن قاراستىرۋ كەرەك»، - دەدى مەملەكەت باسشىسى.
قازاقستان پرەزيدەنتىنىڭ اتاپ وتۋىنشە، تەرەڭ ءبىلىم بەرۋدىڭ ورنىنا ديپلوم ساتۋمەن اينالىسقان ۋنيۆەرسيتەتتەرىمىزدىڭ دە بار ەكەندىگى جاسىرىن ەمەس.
«ءبىرىنشى كەزەكتە سولارعا تىيىم سالۋ ارقىلى ءبىز وقۋ ورىندارىنداعى ءبىلىم بەرۋ ساپاسىن ارتتىرۋعا كۇش سالامىز»، - دەدى توقايەۆ.
