ءال-فارابي مەن ابايدىڭ مەرەيتويىندا ىسىراپشىلدىققا جول بەرىلمەۋى كەرەك - مەملەكەت باسشىسى
«كەلەر جىلى اتالىپ وتىلەتىن ماڭىزدى مەرەيتويلار مەن ەلەۋلى وقيعالارعا دايىندىق جۇمىستارى باستالدى. ەندىگى جىلى ءبارىمىز ءال-ءفارابيدىڭ 1150 جىلدىق، اباي قۇنانباي ۇلىنىڭ 175 جىلدىق مەرەيتويلارىن اتاپ وتەمىز. مەرەيتوي بارىسىندا ىسىراپشىلدىققا جول بەرمەي عۇلاما تۇلعالارىمىزدىڭ ەڭبەكتەرىن حالىق اراسىندا دارىپتەۋىمىز كەرەك»، - دەدى مەملەكەت باسشىسى.
قازاقستان پرەزيدەنتى سونداي-اق ەڭ ماڭىزدى مەرەكەگە - تاۋەلسىزدىكتىڭ 30 جىلدىعىنا بايلانىستى ءتيىستى ءىس-شارالاردى ىسكە اسىرۋىمىز قاجەتتىگىن اتاپ ءوتتى.
«ەل ومىرىندەگى وسىنداي ەلەۋلى وقيعالار جاس ۇرپاقتى ناعىز وتانشىلدىققا تاربيەلەۋگە جول اشادى دەپ سەنەمىن»، - دەدى توقايەۆ.
ەسكە سالا كەتسەك، 2019-جىلدىڭ 26- تامىزىندا مەملەكەت باسشىسىنىڭ جارلىقتارمەن ءابۋ ناسىر ءال-فارابيدىڭ 1150 جىلدىق مەرەيتويىن جانە اباي قۇنانباي ۇلىنىڭ 175 جىلدىق مەرەيتويىن دايىنداۋ جانە وتكىزۋ جونىندەگى مەملەكەتتىك كوميسسيالار قۇرىلدى.
