قازاقستان پارلامەنتى پالاتالارىنىڭ بىرلەسكەن وتىرىسى باستالدى

نۇر-سۇلتان. قازاقپارات - بۇگىن ەلوردادا ق ر پارلامەنتى پالاتالارىنىڭ بىرلەسكەن وتىرىسى باستالدى. بىرلەسكەن وتىرىس بارىسىندا قازاقستان پرەزيدەنتى قاسىم-جومارت توقايەۆ قازاقستان حالقىنا العاشقى جولداۋىن جاسايدى، دەپ حابارلايدى قازاقپارات ءتىلشىسى.

القالى جيىنعا ق ر پارلامەنتىنىڭ دەپۋتاتتارى، ق ر كونستيتۋتسيالىق كەڭەسىنىڭ، جوعارعى سوتىنىڭ جانە ورتالىق سايلاۋ كوميسسياسىنىڭ ءتوراعالارى، ق ر پرەمەر-ءمينيسترى، ق ر ۇكىمەتىنىڭ مۇشەلەرى تولىق قۇرامدا، ق ر پرەزيدەنتىنە تىكەلەي ەسەپ بەرەتىن جانە باعىناتىن ورگان باسشىلارى، ۇلتتىق كومپانيالار مەن مەملەكەتتىك ۇيىمدار باسشىلارى قاتىسىپ وتىر.