تايلاندتا سەمەي پوليگونىنىڭ قاسىرەتى تۋرالى فيلم كورسەتىلدى

نۇر-سۇلتان. قازاقپارات -  ب ۇ ۇ-نىڭ ازيا مەن تىنىق مۇحيتقا ارنالعان ەكونوميكالىق جانە الەۋمەتتىك كوميسسياسىنىڭ (ا ت م ە ا ك) شتاب-پاتەرىندە حالىقارالىق يادرولىق سىناقتارعا قارسى ءىس-قيمىل كۇنىنە ارنالعان جيىن ءوتتى.

بۇل تۋرالى قازاقپارات س ءى م سىلتەمە جاساپ حابارلايدى.

شارا قازاقستاننىڭ تايلاند كورولدىگىندەگى ەلشىلىگىنىڭ باستاماسىمەن ۇيىمداستىرىلدى.

سەمەي پوليگونىنىڭ قاسىرەتى تۋرالى دەرەكتى فيلم كورسەتىلگەننەن كەيىن قاتىسۋشىلار يادرولىق قارۋدى قولدانۋ جانە سىناۋ قۇرباندارىن ءبىر مينۋت ۇنسىزدىكپەن ەسكە الدى. ءوز سوزىندە ەلشى راۋشان ەسبۋلاتوۆا قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ جاھاندىق يادرولىق قارۋعا قارسى قوزعالىستى ىلگەرىلەتۋدەگى ايرىقشا ءرولىن اتاپ ءوتتى. الەمدەگى ءتورتىنشى يادرولىق الەۋەتىنەن باس تارتۋ شەشىمىن قابىلداۋ حالىقارالىق قوعامداستىققا جاس قازاقستاننىڭ بەيبىت نيەتتەرى تۋرالى ايقىن بەلگى بەردى.

بۇل تاريحي قادام ەلدىڭ حالىقارالىق قىزمەتىنىڭ بولاشاعىن ايقىندادى. ەلباسى باسشىلىعىمەن قازاقستان يادرولىق قارۋسىزدانۋدىڭ بەلسەندى جاقتاۋشىلارىنىڭ ءبىرى بولدى. رەسپۋبليكامىز تمد- عا مۇشە- مەملەكەتتەردىڭ العاشقى قاتارىندا يادرولىق قارۋدى تاراتپاۋ تۋرالى شارتقا جانە يادرولىق سىناقتارعا تۇتاستاي تىيىم سالۋ تۋرالى شارتقا قوسىلدى.

سەمەي شارتىنا قول قويۋ ارقىلى ورتالىق ازياداعى يادرولىق قارۋدان ازات ايماق قۇرىلدى - سولتۇستىك جارتى شارداعى وسىنداي تۇڭعىش ايماق بولدى. 10 جىل بۇرىن قازاقستاننىڭ باستاماسىمەن 29 -تامىز ب ۇ ۇ باس اسسامبلەياسىنىڭ قارارىمەن يادرولىق سىناقتارعا قارسى حالىقارالىق ءىس-قيمىل كۇنى بولىپ جاريالاندى. 2015 -جىلى ب ۇ ۇ با يادرولىق قارۋدان ازات الەمگە قول جەتكىزۋ بويىنشا جالپىعا ورتاق دەكلاراتسيا قابىلداندى.

قازاقستان اۋماعىندا ماگاتە تومەن بايىتىلعان ۋران بانكىن قۇرۋ بارلىق مۇددەلى مەملەكەتتەرگە بەيبىت اتومعا قولجەتىمدىلىكتى اشتى. قازاقستاننىڭ يادرولىق قارۋسىزدانۋ ىسىنە بەيىلدىلىگىنىڭ جاقىندا راستالۋى - مەملەكەتىمىزدىڭ جاپپاي قىرىپ-جويۋ قارۋىنا تىيىم سالۋ سالاسىنداعى زاڭدى ولقىلىقتاردى تولتىرۋعا باعىتتالعان يادرولىق قارۋعا تىيىم سالۋ تۋرالى شارتتى راتيفيكاتسيالاۋى بولدى.

ر. ەسبۋلاتوۆا ءىس-شاراعا قاتىسۋشىلارعا ەلباسىنىڭ ب ۇ ۇ مىنبەرىنەن 2045 -جىلعا دەيىن يادرولىق قارۋدان ازات الەم قۇرۋ ءۇشىن كۇش-جىگەردى بىرىكتىرۋگە شاقىردى.

ا ت م ە ا ك اتقارۋشى حاتشىسى ارميدا سالسيا اليسدجابانا قۇتتىقتاۋ ءسوز سويلەدى، ول قازاقستاننىڭ تۇراقتى دامۋ ءۇشىن قاجەتتى نەگىزى بولىپ تابىلاتىن بەيبىتشىلىك پەن قاۋىپسىزدىكتى ساقتاۋ جونىندەگى بەلسەندى ساياساتىن جوعارى باعالادى. تايلاند س ءى م-نىڭ حالىقارالىق ۇيىمدار دەپارتامەنتى باس ديرەكتورىنىڭ ورىنباسارى ر. ۆيرابۋتر ءوز سوزىندە رەسمي بانگكوك قازاقستاننىڭ تاراتپاۋ باعىتتاعى باستامالارىن قولداۋ ىسىنە قوسىلاتىتىن مالىمدەدى. ءىس-شاراعا ا ق ش، اۋستريا، ە و، يران، يتاليا، جاپونيا، كانادا، قىتاي، ليۆيا، مالايزيا، مەكسيكا، موڭعوليا، نيگەريا، وزبەكستان، پاكىستان، پورتۋگاليا، رەسەي، شري-لانكا، شىعىس تيمور، چيلي، تۇركيا، ۋكراينا، ۆاتيكان ەلشىلەرى مەن وكىلدەرى قاتىستى.

ءوز پىكىرلەرىندە ءسوز سويلەۋشىلەر قازاقستان جانە ونىڭ باسشىلىعىنىڭ تاراتپاۋ، حالىقارالىق يادرولىق قارۋسىز باستامالاردى ىلگەرىلەتۋ سالاسىنداعى ماسەلەلەردى شەشۋدە قىزمەتىن جوعارى باعالادى، سونداي-اق يادرولىق قارۋدان ازات الەمگە قول جەتكىزۋ ءۇشىن الەمدىك قاۋىمداستىقتىڭ كۇش-جىگەرىن بىرىكتىرۋدىڭ ماڭىزدىلىعىن اتاپ ءوتتى. فورۋم شەڭبەرىندە قاتىسۋشىلار «اتوم» جوباسى اياسىندا جۇزەگە اسىرىلاتىن قىزمەتپەن تانىسۋعا جانە يادرولىق قارۋدان ازات الەم ءۇشىن ونلاين پەتيتسياعا قول قويۋعا مۇمكىندىك الدى.