سينگاپۋردە العاش رەت جۇرگىزۋشىسى جوق اۆتوبۋستار قالا كوشەلەرىنە شىقتى

نۇر-سۇلتان. قازاقپارات - سينگاپۋردىڭ سەنتوزا ارالىندا تۇڭعىش رەت جۇرگىزۋشىسى جوق اۆتوبۋستار قالا كوشەلەرىنە شىقتى. ءساتىن سالىپ، جاڭا كولىك تۇرىمەن جەرگىلىكتى تۇرعىندار مەن تۋريستەر ءجۇرىپ ءوتتى.

 الايدا ازىرگە بۇل تەك كولىكتەردى تەستىلەۋدەن وتكىزۋ ءۇشىن عانا ۇيىمداستىرىلعان شارا ەكەن. سوندىقتان اۆتوبۋستاردى سىناۋ بارىسىندا ونىڭ ىشىندە قاۋىپسىزدىككە جاۋاپتى ارنايى ستيۋاردتار مەن جۇرگىزۋشى دە بولعان. ءبىراق ول كولىكتى باسقارۋ تەتىكتەرىنە ەش تيىسپەي، تەك قاجەت كەزدە عانا تىزگىندى ءوز قولىنا الۋعا دايىن وتىرعان.

 مۋحد فايز بين احماد، جۇرگىزۋشىسى جوق اۆتوبۋس جۇرگىزۋشىسى:

 - مەن ۇنەمى جول قوزعالىسىن باقىلاپ، قاۋىپ تونگەن جاعدايدا ناقتى شارا قابىلداۋىم قاجەت. ماسەلەن، كەي جۇرگىزۋشىلەر جول ەرەجەسىن بۇزىپ جاتادى. سوندىقتان ءبىز ءاردايىم ساق بولۋىمىز كەرەك. كوبىسى جۇرگىزۋشىسى جوق اۆتوبۋستاردىڭ قالاي جۇرەتىنىن بىلمەيدى عوي. بۇعان قوسا، ءبىز جولاۋشىلار قاۋىپسىزدىگىنە دە جاۋاپتىمىز.

 ازىرگە مۇنداي اۆتوبۋستار سەنتوزا ارالىندا تەك بىرنەشە باعىت بويىنشا عانا قاتىنايتىن بولادى. ءبىراق الداعى ۋاقىتتا اتالعان كولىك قۇرالدارىن باسقا وڭىرلەردە دە سىناقتان وتكىزۋ جوسپارلانعان.

www.24.kz