داۋرەن ابايەۆ «ەكى سيىر» داۋىنا نۇكتە قويدى
دەپ حابارلايدى قازاقپارات ءتىلشىسى.
«اشىق ايتقاندا، مەن وسى ماسەلە اينالاسىنداعى داۋ- دامايدى تۇسىنبەيمىن. ەگەر ەلباسى «ەڭبەك ەتپەي سۋدان بالىق تا شىعارا المايسىڭ» دەگەن ماقالدى ايتسا، نە بولار ەدى؟ بلوگەرلەر الەۋمەتتىك جەلىنى قارماق پەن قۇرتتىڭ سۋرەتىنە تولتىرىپ جىبەرە مە ەدى؟ «ەكى سيىر» بۇل جەردە اقپاراتتى جەڭىل قابىلدانۋ ءۇشىن كەلتىرگەن مىسال ەكەنى ايقىن عوي. بىرەۋ ءۇشىن ەكى سيىر دەگەن اۋلاسىنداعى باۋ- باقشا، بىرەۋ ءۇشىن كولىك جۋاتىن كاسىپورىن، جول بويىنداعى ءدامحانا. بىرەۋ ءۇشىن ىسمەرلىك، بىرەۋ ءۇشىن ازىق- تۇلىك دۇڭگىرشەگى. ال ەكى سيىردان قۇرالعان شارۋاشىلىقتاردىڭ ومىرلىك قابىلەتىن بار زەيىنىمەن ەسەپتەپ جاتقان ساراپشىلاردىڭ ەسىنە تۇڭعىش پرەزيدەنتتىڭ ءوزى اۋىلدان شىققانىن سالعىم كەلەدى. ول بالا كۇنىنەن سوعىستان كەيىن اۋىر جىلداردا اتا- اناسىنا شارۋاشىلىق جۇرگىزۋگە كومەكتەستى. وعان سيىر دەگەننىڭ نە ەكەنىن، ونىڭ قانشا ءسۇت بەرەتىنىن ءتۇسىندىرۋدىڭ قاجەت جوق»، - دەگەن داۋرەن ابايەۆ ەلباسى وسى ءسوزى ارقىلى ازاماتتاردى ءوز كۇشتەرىنە سەنۋگە شاقىرعانىن جەتكىزدى.
«ءوزىڭنىڭ ارەكەتسىزدىگىڭدى ناشار شەنەۋنىكتەر مەن ناشار مەملەكەتكە، ناشار الەۋمەتتىك ساياساتقا جابۋ ءارقاشان وڭاي. جاعدايدى ءوز قولىڭا الىپ، جۇمىس ىستەۋ الدەقايدا قيىن. قاراساڭىز، ول ءۇشىن اكىمدىك تاراپىنان دا، مينيسترلىكتەر تاراپىنان دا، «اتامەكەن» مەن «دامۋ» قورى بويىنشا دا شاعىن نەسيەلەندىرۋ جانە شاعىن بيزنەستى قولداۋ جونىنەن قازىر بارلىق جاعداي جاسالعان. قورىتىپ ايتقاندا، ەلباسى ادامداردى ءوز ءىسىن اشىپ، جۇمىس ىستەۋگە شاقىردى. ەڭ ماڭىزدىسى وسى. قالعانىنىڭ ءبارى جەلىدەگى قوقىس قانا»، - دەدى مينيستر.
