ق ر پرەزيدەنتى قازاقستاندىقتاردى كونستيتۋتسيا كۇنىمەن قۇتتىقتادى
بۇل تۋرالى قازاقپارات پرەزيدەنتتىڭ باسپا ءسوز قىزمەتىنە سىلتەمە جاساپ حابارلايدى.
***
قۇرمەتتى وتانداستار! بارشاڭىزدى قازاقستان رەسپۋبليكاسىنىڭ كونستيتۋتسياسى كۇنىمەن قۇتتىقتايمىن! حالقىمىزدىڭ زاڭ ۇستەمدىگىنە، ادامداردىڭ نەگىزگى قۇقىقتارى مەن بوستاندىقتارىن قامتاماسىز ەتۋگە ۇمتىلىسى ءتول تاريحىمىزدا ايقىن كورىنىس تاپقان. وزىق الەمدىك تاجىريبەنى، تاريحي جانە ۇلتتىق داستۇرلەردى ارقاۋ ەتكەن قازاقستان كونستيتۋتسياسى حالقىمىزدىڭ بىرلىگى مەن مەملەكەت تاۋەلسىزدىگىنىڭ بەرىك نەگىزى سانالادى.
كەلەسى جىلى اتا زاڭىمىزدىڭ 25 جىلدىعىن اتاپ وتەمىز. وسى كەزەڭ ىشىندە ەلىمىزدىڭ باستى زاڭى جاسامپازدىق پەن ىلگەرىلەۋدىڭ كەپىلىنە اينالدى. قازاقستان تۇتاس قۇقىقتىق جانە الەۋمەتتىك- ەكونوميكالىق جۇيەنى قالىپتاستىرىپ، جان- جاقتى جاڭعىرۋ جولىنا ءتۇستى. تۇڭعىش پرەزيدەنتىمىز - ەلباسى نۇرسۇلتان ءابىش ۇلى نازاربايەۆ ۇسىنعان ۇلت جوسپارى مەن ينستيتۋتسيونالدىق رەفورمالار سونىڭ نەگىزىن قۇرايدى. ءبىزدىڭ ماقساتىمىز - ەكونوميكانىڭ ساپالى ءوسىمىن جانە حالىقتىڭ الەۋمەتتىك سۇرانىستارىن قامتاماسىز ەتىپ، تۇرمىس دەڭگەيىن ارتتىرۋ، سونداي- اق مەملەكەتتىڭ ساياسي جۇيەسىن جەتىلدىرۋ. اتا زاڭ ازاماتتارىمىزدىڭ مۇددەسىنە قىزمەت ەتىپ، ەلىمىزدى ودان ءارى دامىتۋعا سەپتىگىن تيگىزە بەرەدى. بارلىق قازاقستاندىقتارعا زور دەنساۋلىق، باق- بەرەكە جانە تولاعاي تابىس تىلەيمىن!
