كامبودجا بيلىگى شەتەلدىكتەرگە تاكسي جۇرگىزۋشىسى جانە شاشتاراز بولۋعا تىيىم سالدى

نۇر-سۇلتان. قازاقپارات - كامبودجا اۋماعىندا جۇرگەن شەتەلدىك ازاماتتار ەندى بۇرىنعىداي قالاعان كاسىپ تۇرلەرىمەن اينالىسا المايدى، دەپ حابارلايدى ريا نوۆوستي.

 ەلدىڭ ەڭبەك مينيسترلىگى ولارعا زاڭ تۇرعىسىندا نارىقتاعى 10 قىزمەتتى يەمدەنۋگە شەكتەۋ قويىپ وتىر. اتاپ ايتساق، بۇدان بىلاي سىرتتان كەلگەندەر قوعامدىق كولىك جۇرگىزۋشىسى، تاكسيست، شاشتاراز جانە بەت ارلەۋشى، كوشە ساۋداگەرى، ماسساجيست، تىگىنشى، اياق كيىم تازالاۋشى، اسىل تاستاردى قىرلاۋشى ماماندىقتارى بويىنشا ەڭبەك ەتە المايدى. سونداي- اق ۇلتتىق جانە مۋزىكالىق، ءدىني كادەسىيلار دايىنداۋ ىسىمەن شۇعىلدانۋعا رۇقسات جوق. بيلىك وكىلدەرى وسى ارقىلى جەرگىلىكتى حالىقتىڭ جۇمىسسىز قالۋىنىڭ الدىن الىپ، تابىسىن ساقتاپ قالۋدى ماقسات ەتكەن. تىپتەن، كورشىلەس تايلاند مەملەكەتىندە مۇنداي تاجىريبە ونداعان جىلدار قولدانىستا بار ەكەنىن العا تارتتى.

www.24.kz