جان مەن ءتان تىنىشتىعىن قالاي تابۋعا بولادى؟
مەديتسينا عىلىمىنىڭ اتاسى اتانعان يبن سينا ءوز ءومىربايانىندا «مەن مەديتسينا سالاسىن مەڭگەرە كەلە، ءبىلىمىمدى ناۋقاس ادامداردى باقىلاي وتىرىپ جەتىلدىردىم. وقىعانىما تاجىريبە قوسا وتىرىپ، كىتاپتا جازىلماعان دۇنيەلەردى ۇيرەندىم» دەپ جازادى Massaget.kz
يبن سينانىڭ 1000 -جىل بۇرىن جازىپ كەتكەنى ХХІ عاسىردا دا ءوز ورنىن تابۋدا. دەنساۋلىعى مىقتى بولعىسى كەلەتىندەر ءۇشىن ەجەلگى دارىگەردىڭ اقىلدى كەڭەستەرىن ۇسىنامىز:
جان مەن تانگە راحات سىيلايتىن تەپە-تەڭدىكتەر:
1) مىنەز تۇراقتىلىعى؛
2) دۇرىس سۋسىن مەن تاعام تاڭداي ءبىلۋ؛
3) ءتانىڭىزدى قاجەتسىز دۇنيەلەردەن ارىلتۋ؛
4) ءمىنسىز سىمباتىڭىزدى ءبىرقالىپتى ۇستاۋ؛
5) تازا اۋامەن تىنىس الۋ؛
6) قونىمدى ءارى اۋا رايىنا لايىق كيىم كيۋ؛
7) جان مەن ءتاننىڭ قوزعالىسىن ۇيلەستىرە ءبىلۋ (ۇيقى مەن سەرگەكتىك ماسەلەسى دە قارالادى).
