نەمىستىڭ ۇلى اقىنى گەتەنىڭ ەڭبەكتەرى قازاقشا كىتاپ بولىپ شىقتى
بۇل تۋرالى قازاقپارات اسسامبلەيانىڭ باسپا ءسوز قىزمەتىنە سىلتەمە جاساپ حابارلايدى.
ءىس-شارا اياسىندا نەمىس حالقىنىڭ ۇلى اقىنى ي. ۆ. گەتەنىڭ «باتىس- شىعىس جيناعى» اتتى نەمىس جانە قازاق تىلدەرىندەگى (قازاقشاعا اۋدارعان تورەگەلدى تۇياقباي) كىتابىنىڭ تۇساۋكەسەرى ءوتىپ، «گەتە - 270 جاستا» اتتى كىتاپ كورمەسى ۇيىمداستىرىلدى.
مەرەكەلىك جيىننىڭ نەگىزگى ماقساتى - ۇلى اقىننىڭ ادامگەرشىلىك ومىرىمەن تانىستىرۋ، ونىڭ فيلوسوفياسىن، كوزقاراسىن، رۋحاني مۇراسىن، پوەتيكالىق شىعارمالارى مەن اندەرىن كوپشىلىككە تاراتۋ بولىپ تابىلادى.
ءىس-شاراعا نەمىس ءتىلى ورتالىعىنىڭ باسشىسى گۋلنارا فاحرۋدينوۆا، تاريح عىلىمدارىنىڭ دوكتورى، «Egemen Qazaqstan» رەسپۋبليكالىق گازەتى» اكسيونەرلىك قوعامىنىڭ باسقارما ءتوراعاسى دارحان قىدىرالى، جازۋشى، فيلولوگيا عىلىمدارىنىڭ دوكتورى تۇرسىن جۇرتباي، ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى شەت ءتىلى فيلولوگياسى كافەدراسىنىڭ مەڭگەرۋشىسى ايگۇل بيشكەنوۆا جانە ت. ب. قاتىستى.
گەتە - ءبىر ۇلتتىڭ ۇلى بولىپ تۋىپ، بۇكىل ادامزاتتىڭ تۇلعاسىنا اينالعان اقىن، تالانتىنا الەم باس يگەن كلاسسيك-جازۋشى، فيلوسوف، عالىم جانە ءوز زامانىنىڭ ىقپالدى مەملەكەتتىك قايراتكەرى. سوندىقتان دا، بۇگىن بۇكىل وركەنيەتتى الەم ۇلى تۇلعانىڭ مەرەيتويىنا ارنالعان مادەني، عىلىمي ءىس-شارالار وتكىزۋدە.
قازاق جەرىندە گەتەگە دەگەن قىزىعۋشىلىق بۇدان ءبىر جارىم عاسىرعا جۋىق ۋاقىت بۇرىن تۋىنداعانى بەلگىلى. ونىڭ ەڭبەكتەرى ۇلى ابايدىڭ، شاكارىمنىڭ، ءماشھۇر-ءجۇسىپتىڭ، مەدەۋباي قۇرمانوۆتىڭ، قازاقتىڭ باسقا دا اقىندارىنىڭ اۋدارمالارى ارقاسىندا جان-جاققا تاراپ، بۇقارا حالىققا جەتكەن. گەتە تۇلعاسىنا، ونىڭ شىعارماشىلىعىنا دەگەن قىزىعۋشىلىق ەشقاشان توقتاعان ەمەس» - دەپ اتاپ ءوتتى ءوز سوزىندە ج. تۇيمەبايەۆ ق ر ۇلتتىق اكادەميالىق كىتاپحاناسىندا وتكەن شارادا.
