تۇركيانىڭ ەڭ ۇزدىك كومپانيالارى ەل ەكونوميكاسىنا ينۆەستيتسيا سالۋعا نيەتتى
ولار اسىرەسە، تۇرمىستىق تەحنيكا، مەتالل ونىمدەرى، قانت، جيھاز جانە توقىما سالاسىنا قارجى قۇيۋدى ءجون سانايدى.
كايسەري پروۆينتسياسى تۇركيادا العاش قۇرىلعان وندىرىستىك ايماق. مۇندا 1300 دەن استام كومپانيا، 75 مىڭعا جۋىق ادامدى جۇمىسپەن قامتىپ وتىر. مۇنداعى بيزنەس يەلەرى قازاقستاندا دا ءىسىن ورىستەتىپ، بىرلەسكەن كاسىپورىن قۇرۋعا ىنتالى.
سولاردىڭ ءبىرى - «Femaş»كومپانياسى. تۇرمىس تەحنيكاسىن وندىرەتىن زاۋىت ءوز ەلىندە تۇتىنۋشىلاردىڭ سەنىمىنە يە.
يۋسۋف ۇ گ ە، «Femaş» كومپانياسىنىڭ باس ديرەكتورى:
- كومپانيامىز مەتالل ءوندىرىسى، سونىڭ ىشىندە بارلىق تۇرمىستىق تەحنيكا ونىمدەرىن جاسايدى. بىرنەشە جىلدان بەرى قازاقستانعا ءبىرقاتار تاۋارلارىمىزدى ەكسپورتتاپ كەلەمىز. ەندىگى ماقساتىمىز - وندا تۇرمىستىق تەحنيكا مەن مەتالل ءوندىرىسى بويىنشا ۇلكەن زاۋىت اشۋ. بۇل رەتتە قازاقستان ەلشىلىگىنىڭ قولداۋى زور.
قاسىم سويىرقاس، كاسىپكەر:
- ءبىز بۇل كومپانيانىڭ بۇعان دەيىن قازاقستانعا دايىن ءونىمىن اپارۋشى ەدىك. ەندى تۇرىك كومپانياسىمەن بىرگە قازاقستاندا وندىرمەكشىمىز. تەك قانا قازاقستاندىق نارىق ەمەس، شەتەلگە دە ەكسپورتتاۋدى كوزدەپ وتىرمىز. رەسەي، قىرعىزستان مەن بەلارۋس، جالپى ت م د مەن كەدەن وداعىنا مۇشە ەلدەرگە شىعۋدى ويلاستىرىپ جاتىرمىز. قازاقستان مەن تۇركيا اراسىنداعى ساۋدا اينالىمى 5 ميلليارد ا ق ش دوللارىنا جەتۋى ءتيىس.
ەكى ەلدىڭ 2017-2020 -جىلدارعا ارنالعان «جاڭا سينەرگيا» بىرلەسكەن ەكونوميكالىق باعدارلاماسىندا وسىنداي جوسپار بار. بۇل باعىتتا قازاق- تۇرىك ىنتىماقتاستىعىن ارتتىرىپ، ەلىمىزگە ينۆەستورلار تارتۋ مىندەت. بىرلەسكەن ءوندىرىس ايماقتارىن قۇرىپ، ورتاق جوبالاردى جۇزەگە اسىرۋ ماڭىزدى.
نۋريددين امانقۇل، ق ر ەلشىلىگىنىڭ ينۆەستيتسيالار بويىنشا ءبىرىنشى حاتشىسى:
- تۇركيانىڭ الدىڭعى قاتارلى جەتەكشى كومپانيالارىمەن كەزدەسۋ جۇمىستارىن كۇندە- كۇندە جالعاستىرۋدامىز. بۇگىنگى تاڭدا تۇركيانىڭ ەكونوميكالىق جاعىنان 12- ەڭ ۇلكەن ايماعى كايسەريگە كەلدىك. بۇل ايماقتىڭ ەكسپورتى 3 ميلليارد دوللاردان استام. وسىندا ەلدىڭ ەڭ ءىرى 500 كومپانياسىنا كىرەتىن كومپانيالارمەن جەكە- جەكە كەزدەسۋلەر ۇيىمداستىردىق. قازاقستاننىڭ بيزنەس كليماتىنان حاباردار تۇرىك كاسىپكەرلەرى ينۆەستيتسيا قۇيۋعا ىقىلاستى ەكەندىكتەرىن كورسەتىپ كەلەدى. سوندىقتان باۋىرلاس ەلدەردىڭ ەكونوميكالىق قارىم- قاتىناسى نىعايا تۇسەتىنىنە سەنىم مول.
