مەملەكەت باسشىسى نەگىزسىز يميدجدىك شىعىنداردى قىسقارتۋدى تاپسىردى
بۇل تۋرالى اقوردانىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.
جيىنعا پرەمەر-مينيستر اسقار مامين، پرەمەر-ءمينيستردىڭ ءبىرىنشى ورىنباسارى - قارجى ءمينيسترى ءاليحان سمايىلوۆ، پرەمەر-ءمينيستردىڭ ورىنباسارلارى - بەردىبەك ساپاربايەۆ پەن جەڭىس قاسىمبەك، ۇلتتىق ەكونوميكا ءمينيسترى رۋسلان دالەنوۆ، ەسەپ كوميتەتىنىڭ ءتوراعاسى ناتاليا گودۋنوۆا، سونداي-اق پرەزيدەنت اكىمشىلىگىنىڭ باسشىلىعى قاتىستى.
كەڭەس بارىسىندا پرەزيدەنتكە رەسپۋبليكالىق بيۋجەتتىڭ الداعى ءۇش جىلعا ارنالعان جوباسىنىڭ نەگىزگى پارامەترلەرى باياندالدى.
قاسىم-جومارت توقايەۆ بيۋجەت جوباسىنىڭ تەڭگەرىمدى جانە ەلىمىزدىڭ الەۋمەتتىك-ەكونوميكالىق دامۋ تالاپتارىنا ساي ەكەنىن ايتتى. سونىمەن قاتار، مەملەكەت باسشىسى بيۋجەتتىك شىعىستاردىڭ تيىمدىلىگىن ارتتىرۋ جانە بيۋجەتتىڭ كىرىسىن ودان ءارى ۇلعايتۋ جونىندەگى جۇمىستاردى جالعاستىرۋدىڭ ماڭىزدىلىعىن اتاپ ءوتتى.
پرەزيدەنت بيۋجەتتى جوسپارلاۋدىڭ بارلىق كەزەڭدەرىندە شىعىستاردى وڭتايلاندىرۋعا، ەسەپ كوميتەتىمەن ءوزارا تىعىز ىقپالداستىق ورناتۋعا، سونداي-اق نەگىزسىز يميدجدىك جانە كونسالتينگتىك شىعىنداردى قىسقارتۋعا شاقىردى.
سوڭىندا مەملەكەت باسشىسى ۇكىمەتكە بيۋجەت ۇدەرىسىنە باقىلاۋدى كۇشەيتۋدى تاپسىردى. ونىڭ ايتۋىنشا، بيۋجەت الەۋمەتتىك-ەكونوميكالىق تۇرعىدان بارىنشا ءتيىمدى ءارى ماڭىزدى جوبالاردى قارجىلاندىرۋى ءتيىس.
