ەردوعان مەن پۋتين سيرياداعى سوعىستى تالقىلاماق
ەردوعان رەسەيگە باراتىن كەزدە سيريا ۇكىمەتى يدليب پروۆينتسياسىندا كوتەرىلىسشىلەرگە اۋەدەن شابۋىل جاساپ جاتىر. بۇعان دەيىن ماسكەۋ مەن انكارا يدليب پروۆينتسياسىندا قارۋسىز ايماق قۇرۋ تۋرالى ۋاعدالاسقان.
ەردوعان يدليبتەگى جاعداي تۋرالى پۋتينمەن تەلەفون ارقىلى سويلەسكەنىن ايتقان. «ءبىز بۇل پروبلەمالاردى تەزىرەك شەشەمىز دەپ ۇمىتتەنەمىن» دەگەن ول 26- تامىزدا.
تۇركيالىق Hurriyet باسىلىمىنىڭ جازۋىنشا، ەردوعان «جاقىندا» سيرياعا تۇرىك جاياۋ اسكەرى ەنگىزىلەتىنىن ايتقان. ونىڭ سوزىنشە، سيريادا قازىرگى كەزدە تۇركيالىق اسكەري دروندار مەن تىكۇشاقتار بار. «ءبىزدىڭ شەكارامىزعا جاقىن جەردەگى قورعانىس قيراتىلىپ جاتىر. كوپ ۇزاماي جاياۋ اسكەرىمىز ايماققا ەنەدى دەپ وتىرمىز» دەگەن ول.
تۇركيا سيريادا پرەزيدەنت باشار اساد رەجيمىنە قارۋلى قارسىلىق كورسەتىپ جاتقان كوتەرىلىسشى توپتاردىڭ كەيبىرىن قولدايدى. انكارا سيريامەن شەكارا ماڭىندا «قاۋىپسىزدىك ايماعىن» قۇرۋ تۋرالى ا ق ش- پەن ارىپتەستىك كەلىسىم جاساعان.
«ازاتتىق»
