دارىگەرلەر الماتىدا كولىك قاققان ءۇش ادامنىڭ جاعدايى تۋرالى ايتتى

الماتى. قازاقپارات - الماتى قالالىق دەنساۋلىق ساقتاۋ باسقارماسى كولىك قاققان ادامداردىڭ دەنساۋلىعى تۋرالى ايتتى، دەپ حابارلايدى قازاقپارات ءتىلشىسى.

« الماتى №7 قالالىق كلينيكالىق اۋرۋحاناعا 2 ادام ءتۇستى. بىرىنشىسىنە اشىق باس سۇيەك- مي جاراقاتى، ميدىڭ جەڭىل دارەجەدە جاراقاتى، باستىڭ وڭ جاق سۇيەگىنىڭ سىنۋ دياگنوزى قويىلدى. جاعدايى ورتاشا اۋىر. ەكىنشى ناۋقاستا جابىق باس جاراقاتى، ميدىڭ شايقالۋ دياگنوزى قويىلدى. جاعدايى ورتاشا اۋىر دەپ باعالانادى. ءۇشىنشىسى ورتالىق قالالىق اۋرۋحاناعا جەتكىزىلدى. ونىڭ سول اياعىنىڭ توبىعى، وڭ قول شىنتاعى جابىق، سول قول شىنتاعىنا اشىق سىنعان دەگەن دياگنوز قويىلىپ وتىر. جاعدايى ورتاشا اۋىر» ، - دەپ حابارلادى الماتى قالالىق دەنساۋلىق ساقتاۋ باسقارماسىنان.

 وسىعان دەيىن، الەۋمەتتىك جەلىدە كولىكتىڭ بىرنەشە ادامدى قاعىپ كەتكەن ۆيدەوسى پايدا بولعان ەدى.

سونداي- اق، الماتى پوليسياسى كولىكتىڭ بىردەن ءۇش ادامدى قاققانى تۋرالى وقيعانىڭ ءمان- جايى تۋرالى اقپارات بەرگەن بولاتىن.