بەتىندەگى بەزەۋىن جاسىرماق بولعان ايەل سال بولىپ قالدى
ول قۇربىلارىمەن بىرگە وتكىزگەن كەشتىڭ مۇلدەم بۇلاي اياقتالعانىن قالاماعانىن ايتادى.
بار ماسەلە دجونىڭ قۇربىسىنىڭ ەڭ قاۋىپتى باكتەريالار تاراتۋشىسى ەكەنىن بىلمەگەنىندە. وسىلايشا ول بىلمەستىكپەن بەتىندەگى بەزەۋدى التىن ءتۇستى ستافيلوكوكك باكتەرياسى جۇقتىرىلعان جاققىشتىڭ كومەگىمەن جاسىرماق بولادى.
اراعا ءبىراز ۋاقىت سالىپ دجونىڭ ارقاسى اۋىرا باستايدى. قاتتى اۋىرعانى سونشالىق، جاس انا اۋرۋحاناعا بارۋدى ءجون كورەدى. دارىگەرلەر ءوز كەزەگىندە وعان اۋىر دياگنوز قويىپ، جامان كۇندەرگە دايىندالۋعا كەڭەس بەرەدى. وتا دجونىڭ ءومىرىن ساقتاپ قالعانىمەن، ول ماڭگىلىككە ارباعا تاڭىلىپ قالدى.
«ناتيجەسىندە مەن ومىراۋىمنان تومەن قاراي سال بولىپ قالدىم. ماعان ەشۋاقىتتا جۇرە المايسىڭ دەپ ايتتى. مەنىڭ وقيعام وسىلاي اياقتالادى!» - دەيدى ول.
دجو ءبىر جىل بويى فيزيوتەراپيادان ءوتىپ، ءتيىستى جاتتىعۋلاردىڭ ءبارىن جاساعاننان كەيىن اياعىنان نىق تۇرادى. ول وزىنە كىشكەنتاي عانا ۇلى ءتومميدىڭ كوپ كۇش بەرگەنىن ايتادى. دجو ۇلىنا قاراعان سايىن ەش بەرىلمەيتىنىن تۇسىنگەنىن ءبولىستى ايەل.
