10:35, 23 - تامىز 2019 | GMT +5
قاسىم-جومارت توقايەۆ قاراعاندى وبلىسىنا جۇمىس ساپارىمەن باردى
نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ قاراعاندى وبلىسىنا جۇمىس ساپارىمەن باردى.
بۇل تۋرالى بۇگىن Facebook-تەگى پاراقشاسىندا مەملەكەت باسشىسىنىڭ باسپا ءسوز حاتشىسى بەرىك ءۋالي جازدى.
ساپار بارىسىندا مەملەكەت باسشىسى ءبىرقاتار يندۋستريالىق جانە الەۋمەتتىك نىساندارمەن تانىسادى. قاراعاندىدا پرەزيدەنتتىڭ توراعالىعىمەن ەلىمىزدىڭ يندۋستريالىق-يننوۆاتسيالىق دامۋى جونىندە كەڭەس وتەدى.
«باعدارلاماعا سايكەس تۇستەن كەيىن ساپار جەزقازعاندا جالعاسادى. وندا ق. توقايەۆ مىس بالقىتۋ زاۋىتىنىڭ جۇمىسىمەن تانىسادى. 24- تامىزدا مەملەكەت باسشىسى ۇلىتاۋدا وتەتىن حالىقارالىق تۋريزم فورۋمىنا قاتىسادى جانە ІІ «جەزكيىك» حالىقارالىق مۋزىكا فەستيۆالىنە بارادى» ، - دەلىنگەن حابارلامادا.
