ەكسپوعا كەلىپ قىزدى بولعان افريكالىق ايەلگە ايىپپۇل سالىندى
ايتا كەتەرلىگى 28 جاستاعى ايەل ادام وسىمەن ەكى جىل قاتارىنان قازاقستاندا قالۋ قۇقىعىنا يە بولا الماي ءجۇر. افريكالىق ازاماتشاعا اتالمىش ماسەلەنىڭ شەشىلۋىنە حالىقارالىق ۇيىم زاڭگەرلەرى كومەكتەسۋدە.
باستاپقىدا مونيكا كامگانزا بوسقىن مارتەبەسىن الۋ ءۇشىن، قۇجاتتار تاپسىرعان ەدى. الايدا ايەل ادامنىڭ بۇل ءوتىنىشى قاناعاتتاندىرىلمادى. سەبەبى كونگودا ازاماتتىق سوعىس ءجۇرىپ جاتقان جوق.
كوشى-قون زاڭىنىڭ بۇزىلعاندىعى تۋرالى شاعىم مونيكانىڭ ۇستىنەن وتكەن جىلدىڭ قىركۇيەك ايىندا تۇسكەن. وعان سايكەس ايەل ادام اكىمشىلىك زاڭ بۇزۋشىلىقتار تۋرالى كودەكستىڭ 517- بابىنىڭ ءتورتىنشى بابى بويىنشا زاڭ بۇزدى دەپ ايىپتالعان.
«مونيكا كامۋكەنج كانگانزا اكىمشىلىك جاۋاپكەرشىلىككە تارتىلدى. ول 25 مىڭ 253 تەڭگە كولەمىندە ايىپپۇل تولەيدى»، - دەپ حابارلاعان قالالىق سوتتىڭ باسپا ءسوز قىزمەتى.
ايتا كەتەيىك، 28 جاستاعى افريكالىق ازاماتشا بۇگىندە انالار ءۇيىن بىرنەشە ايدان بەرى پانالاپ وتىر.
