پرەمەر-مينيستر وتستاۆكاعا ءوتىنىش بەرەتىنىن مالىمدەدى
ول مۇنداي مالىمدەمەنى كواليتسيالىق ۇكىمەتكە سەنىمسىزدىك ءبىلدىرۋ تۋرالى «ليگا» بيلەۋشى پارتياسىنىڭ ءوتىنىمحات جولداۋ شەشىمىنەن كەيىن جاسادى، دەپ حابارلايدى قازاقپارات Reuters-كە سىلتەمە جاساپ.
دجۋزەپپە كونتە ليگانىڭ اراڭداتۋىنان تۋىنداعان ساياسي تارتىپسىزدىك ماسەلەلەرى بويىنشا پارلامەنت مۇشەلەرىنە قاراتا سويلەگەن سوزىندە پرەزيدەنت سەردجو ماتتارەللاعا وتستاۆكاعا كەتۋ تۋرالى ءوتىنىش تۇسىرەتىنىن جەتكىزدى.
ءوز كەزەگىندە يتاليا باسشىسى مەرزىمىنەن بۇرىن سايلاۋ وتكىزۋدىڭ قاجەتتىلىگىن نەمەسە جاڭا بيلەۋشى كواليتسيانى قۇرۋ تۋرالى شەشۋى تيىستىگى اتاپ وتىلەدى.
يتاليانىڭ پرەمەر-ءمينيسترى قالىپتاسقان جاعدايعا ىشكى ىستەر ءمينيسترى ماتتەو سالۆينيدى ايىپتادى. «سالۆيني ءوز مۇددەلەرىن جانە ءوز پارتياسىنىڭ مۇددەلەرىن كوزدەيتىنىن كورسەتتى. ونىڭ شەشىمدەرى ەل ءۇشىن اۋقىمدى قاۋىپ تۋدىرىپ وتىر»، - دەدى ول.
دجۋزەپپە كونتە 12 كۇن بۇرىن كواليتسيانى «دارمەنسىز» دەپ اتاپ، مەرزىمىنەن تىس سايلاۋ وتكىزۋ قاجەتتىگى تۋرالى ايتقان ءى ءى م باسشىسىنىڭ ءىس-ارەكەتتەرىن اقىلعا قونىمسىز دەپ مالىمدەدى. «بۇل ەلدى ساياسي تۇراقسىزدىقتىڭ شىرماۋىنا جانە قارجىلىق تۇراقسىزدىققا الىپ كەلۋى مۇمكىن»، - دەدى ول.
