ەلوردادان قىتايعا باعىت العان ۇشاق اپاتتى جاعدايدا قوندى
«بۇگىن Scat اۋە كومپانياسىنىڭ ءسانيا (قىتاي) - نۇر- سۇلتان باعدارى بويىنشا VSV464 رەيسىن ورىنداۋعا ۇشقان B757 اۋە كەمەسى ساعات 16.58 ۋاقىتىندا شۇعىل قوندى. ءسانيا اۋەجايىنىڭ ديسپەتچەرلىك قىزمەتىنىڭ الدىن الا بەرگەن اقپاراتىنا سايكەس، رەزەڭكەنىڭ قالدىقتارى انىقتالعان. اۋە كەمەسىنە بەلگىسىز زات سوعىلىپ، ءشاسسيدىڭ سول جاق نەگىزگى تاعانىن تىرەيتىن ارتقى دوڭگەلەكتىڭ جوعارعى قاباتى تىلىنگەن» ، - دەپ حابارلادى ق ر ي ي د م ازاماتتىق اۆياتسيا كوميتەتىنەن.
Scat اۋە كومپانياسى نۇر- سۇلتان قالاسىنىڭ اۋەجايىنىڭ جەردەگى قىزمەتىمەن اۋە كەمەسىنىڭ قاۋىپسىز قونۋىن قامتاماسىز ەتۋ باعىتىندا ارەكەت ەتكەن.
«ۇشاق جەرگە قاۋىپسىز قوندى. ەكيپاج قۇرامىندا 7 ادام، جولاۋشىلاردىڭ سانى 234 بولعان. قازىرگى ۋاقىتتا ق ر ي ي د م اۆياتسيالىق وقيعالار مەن جاعدايلاردى تەرگەۋ بويىنشا باسقارمانىڭ كوميسسياسى تەرگەۋ جۇرگىزىپ جاتىر» ، - دەپ حابارلايدى كوميتەتتەن.