قازاقستان ارمياسىنىڭ مەرگەندەرى الەمدە ۇزدىك اتانۋ ءۇشىن تالاسادى
بۇل تۋرالى ق ر قورعانىس مينيسترلىگىنەن ءمالىم ەتتى، دەپ حابارلايدى قازاقپارات.
«جاقىندا عانا جەرەبە تاستاۋ ءوتتى. قازاقستان كومانداسى 20-شى، بايقاۋ قوجايىندارى 18- ءشى، ال رەسەيلىك كوماندا ءبىرىنشى بولىپ ونەر كورسەتەتىنى بەلگىلى بولدى. ودان باسقا، بارلىق قاتىسۋشىلار قارۋدىڭ جانە وزگە دە قاجەتتى كەرەك-جاراقتىڭ جيىنتىعىن الىپ، سايىسقا دايىندىقتىڭ شەشۋشى كەزەڭىنە كىرىسىپ كەتتى»، - دەلىنگەن اقپاراتتا.
ءمالىم ەتىلگەندەي، كوماندالار سايىسقا جىبەرىلۋ ءۇشىن پوليگوندا جاساقتالعان مەديتسينالىق بازادا تەكسەرۋدەن ءوتتى.
«ودان كەيىن بايقاۋدىڭ بارلىق كەزەڭدەرى بارىسىندا قاۋىپسىزدىك شارالارىن ساقتاۋ بويىنشا ساباقتار وتكىزىلدى. بايقاۋعا قاتىسۋعا 21 ەلدىڭ وكىلدەرى نيەت ءبىلدىردى. قىزىعۋشىلىق ءبىلدىرۋ جاعىنان «مەرگەن شەبى» بايقاۋى «تانك بياتلونى» جارىسىنان كەيىن ەكىنشى ورىندا تۇر.
