15:23, 02 - تامىز 2019 | GMT +5
پرەزيدەنت شىمكەنت اكىمىنە تۇرعىنداردىڭ ءومىر ساپاسىن ارتتىرۋدى جۇكتەدى
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ شىمكەنت قالاسىنىڭ اكىمى ەرلان ايتاحانوۆتى قابىلدادى.
بۇل تۋرالى اقوردانىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.
قازاقستان پرەزيدەنتى جاڭا اكىمنىڭ تۇركىستان وبلىسىنان قالاعا قوسىلعان ەلدى مەكەندەرگە جول سالۋ، گاز تارتۋ، ەلەكتر جارىعىمەن جانە اۋىزسۋمەن قامتۋ بويىنشا جوسپارىمەن تانىستى.
كەزدەسۋ سوڭىندا قاسىم-جومارت توقايەۆ ەرلان ايتاحانوۆقا قالا تۇرعىندارىنىڭ ءومىر ءسۇرۋ ساپاسىن ارتتىرۋ بويىنشا ءبىرقاتار ناقتى تاپسىرمالار بەردى.
ەسكە سالايىق، ە. ايتاحانوۆ شىمكەنت قالاسىنىڭ اكىمى بولىپ 30-شىلدە كۇنى تاعايىندالعان بولاتىن. مەگاپوليستى بۇعان دەيىن باسقارىپ كەلگەن عابيدوللا ءابدىراحىموۆ پرەزيدەنت جارلىعىمەن قىزمەتىنەن بوساتىلدى.