قازاقستانداعى تەرگەۋ يزولياتورلارىندا ازىق- تۇلىك جەتكىزۋ قىزمەتى ىسكە قوسىلدى
«بۇگىندە الماتى قالاسى جانە الماتى وبلىسىنىڭ قىلمىستىق- اتقارۋ جۇيەسىنىڭ بىرنەشە مەكەمەسىندە مامانداندىرىلعان ەلەكتروندىق دۇكەن بويىنشا قاناتقاقتى جوبالار ىسكە قوسىلدى. ازىق- تۇلىك ونىمدەرىن جەتكىزۋ قىزمەتى نۇر- سۇلتان، الماتى، شىمكەنت، پاۆلودار، قاراعاندى قالالارىنىڭ تەرگەۋ يزولياتورلارىندا جۇمىس ىستەي باستادى. سوتتالعانداردىڭ تۋىسقاندارىمەن بەينەبايلانىس ارقىلى سويلەسۋلەرى اقمولا وبلىسىنداعى ق ا ج- دىڭ ەكى مەكەمەسىندە سىناقتان وتكىزىلەدى»، - دەلىنگەن ۆەدومستۆو مالىمەتىندە.
ءى ءى م بۇل جوبالاردى ىسكە اسىرۋ پەنيتەنتسيارلىق جۇيەدە سيفرلاندىرۋدى دامىتۋعا، ىزگىلەندىرۋ دەڭگەيىن ارتتىرۋعا، سىبايلاس جەمقورلىق پەن شاعىمداردىڭ سانىن ازايتۋعا ىقپال ەتەدى، سونداي- اق سوتتالعانداردىڭ قۇقىقتارى مەن زاڭدى مۇددەلەرىن قامتاماسىز ەتۋدىڭ حالىقارالىق ستاندارتتارىنا جاقىنداتادى دەپ ەسەپتەيدى.
وسى سەرۆيستەر ارقىلى تاپسىرىس بەرۋ جانە جەتكىزۋ ق ا ج مەكەمەلەرىنىڭ تاپسىرىستاردى قابىلداۋ بيۋروسىنداعى كەزەكتى جويىپ، سوتتالعاندار مەن قاماۋعا الىنعاندارعا تىيىم سالىنعان زاتتاردىڭ ءوتۋ فاكتىلەرىن تومەندەتەدى دەپ كۇتىلۋدە.
«ق ا ج مەكەمەلەرىندە ۇستالاتىن ادامدار وزدەرىنىڭ تۋىستارى مەن جاقىندارىن مىندەتتى تۇردە كەلۋگە ماجبۇرلەمەيدى، قولدانىسقا ەنگىزىلگەن سەرۆيس ارقىلى رۇقسات ەتىلگەن تاۋارلار مەن ونىمدەردى ساتىپ الۋعا مۇمكىندىك بولادى. وسىنداي سەرۆيستەردىڭ قىزمەتىن تەرگەۋ- قاماۋعا الىنعاندار جانە سوتتالعانداردىڭ تۋىستارى مەن جاقىندارى دا پايدالانا الادى. سەرۆيستەردى قولدانىسقا ەنگىزۋ - سوتتالعانداردىڭ تاۋاردى مەكەمە ىشىندەگى دۇكەننەن نەمەسە ەلەكتروندىق دۇكەننەن تاڭداۋىنا جول اشادى. ياعني، باسەكەلەستىك ورتا قالىپتاستىرىپ وتىر. ال باسەكەلەستىك تۇتىنۋشىلارعا ساپالى ءارى باعاسى قولايلى تاۋارلار ۇسىنۋعا دەگەن قىزىعۋشىلىقتى ارتتىرادى»، - دەپ اتاپ وتىلگەن حابارلامادا.
فوتو: پرەسس- سلۋجبا مۆد
اۆتور: رۋسلان عابباسوۆ