قازاقستانداعى ەڭ سۇرانىسقا يە ماماندار - كۇزەتشىلەر مەن سانيتارلار
بۇل جونىندە ەڭبەك رەسۋرستارىن دامىتۋ ورتالىعىنا سىلتەمە جاساپ قازاقپارات حابارلايدى.
ەڭبەك رەسۋرستارىن دامىتۋ ورتالىعىنىڭ ساراپشىلارى اتاپ وتكەندەي، بيىلعى 6 اي قورىتىندىسى بويىنشا ەڭبەك نارىعىندا 4,4 مىڭنان استام كۇزەتشى بوس لاۋازىمىنا سۇرانىس جوق. تاپشى ماماندىقتار بەستىگىنە سانيتارلار (2,6 مىڭنان استام بوس جۇمىس ورنى)، تازالاۋشىلار (2,3 مىڭ)، داياشىلار (2,2 مىڭ) جانە جۇك تيەۋشىلەر (2,1 مىڭ) كىردى.
ەڭ سۇرانىسقا يە ماماندىقتاردىڭ وندىعىنا جول سالۋشىلار، بالاباقشا تاربيەشىلەرى، مەيىرگەرلەر، تاكسي جۇرگىزۋشىلەرى مەن پروموۋتەرلەر ەنەدى.
ايتا كەتەتىن جايت، رەسپۋبليكا وڭىرلەرىندە ەڭبەك نارىعىنداعى سۇرانىس ايتارلىقتاي ەرەكشەلەنەدى. ماسەلەن، شىمكەنتتە - تازالاۋشىلار (300-دەن استام بوس جۇمىس ورنى)، الماتىدا - تاكسي جۇرگىزۋشىلەرىنىڭ جەتىسپەۋشىلىگى بايقالادى (2 مىڭنان استام بوس جۇمىس ورنى). نۇر- سۇلتاندا كۇزەتشىلەر جەتىسپەيدى (1,1 مىڭ بوس جۇمىس ورنى).
2019 -جىلدىڭ ءبىرىنشى جارتىجىلدىعىنداعى ەلەكتروندىق ەڭبەك بيرجاسىندا جۇمىس كۇشىنىڭ سۇرانىسى مەن ۇسىنىستارىنىڭ تالداۋىمەن تولىعىراق مىنا سىلتەمەدە تانىسۋعا بولادى.