تەرى نەلىكتەن تەز قارتايادى؟

نۇر-سۇلتان. قازاقپارات - تەرى اعزانى سىرتقى ورتانىڭ اسەرلەرىنەن (قىسىم، ۇيكەلىس، جارىلۋ، سوققى) قورعايتىن دەنەنىڭ سىرتقى جابىنى.

ۇزاق ساقتالاتىن، قۇرامىندا بوياۋلار مەن قوسپالار قوسىلعان، اشى جانە تۇزدى تاعامدار تەرىنى «توزدىرىپ»، اجارىن بۇزادى.

تەرى اعزاعا تۇسكەن راديواكتيۆتى زاتتار مەن اۋىر مەتالداردان كوپ زارداپ شەگەدى. بۇل تەرىنىڭ تەز قارتايۋىنا جول بەرەدى. سوندىقتان ا، ە، س، رر دارۋمەندەرى بار تاعامدار مەن جەمىس- جيدەكتەر (كوك شوپتەردەن سالات، ءسابىز، قىزاناق، قىزىل جيدەك، بال مەن كوك شاي) تەرىنى قۇرعاپ كەتۋدەن ساقتايدى، ۋلتراكۇلگىن ساۋلەسىنە قارسى تۇرادى.

بالعىن جەمىستەردەن جاسالعان شىرىندار ءاجىم تۇسپەۋگە كومەكتەسەدى. ال بەت تەرىسى بوساسا ن دارۋمەنى بار تاعامداردى (جاڭعاق، جۇمىرتقانىڭ سارىسى، باۋىر، ءسۇت) پايدالانعان ءجون.

تەرىگە تۇسكەن جاراقات تەز جازىلمايتىن بولسا، وندا ءسىزدىڭ اعزاڭىزعا اقۋىز جەتىسپەيدى. اقۋىز بالىق، تاۋىق جانە ۇندىك ەتى، ءۇي جاعدايىندا دايىندالعان ىرىمشىكتەردە كوپ بولادى. ول اعزاداعى جاسۋشالاردى جاڭارتاتىن امينقىشقىلعا باي كەلەدى.

دۇرىس تاماقتانباۋ، ىشىمدىكتى كوپ ءىشۋ، سونداي-اق پسيحولوگيالىق كۇيزەلىس تە تەرىنىڭ ەرتە قارتايۋىنىڭ نەگىزگى سەبەبى بولىپ تابىلادى.

دەرەككوز. Reactor