«التىن بەلگى» يەگەرلەرىنىڭ قانشاسى گرانت الدى
بريفينگتە ق ر ءبىلىم جانە عىلىم ۆيتسە-ءمينيسترى فاتيما جاقىپوۆا ءمالىم ەتتى، دەپ حابارلايدى قازاقپارات ءتىلشىسى.
«بۇگىن بۇقارالىق اقپارات قۇرالدارىندا رەسپۋبليكالىق كونكۋرستىڭ ناتيجەسى جاريالاندى. بۇل - رەسپۋبليكالىق كونكۋرستىق كوميسسيا جۇمىسىنىڭ ناتيجەسى، ياعني گرانت يەلەرىنىڭ ءتىزىمى ايقىندالدى. جالپى، بيىل كوكۋرسقا 53785 گرانت ءبولىندى، قاتىسۋشىلاردىڭ سانى 64452 ادام بولدى. وسى ورايدا ءبىر گرانتقا ورتاشا كونكۋرس 1,29 ادامدى قۇرادى»، - دەدى ف. جاقىپوۆا.
ونىڭ سوزىنە قاراعاندا، بىلتىرمەن سالىستارعاندا بيىل گرانت ناتيجەلەرى 5 كۇن بۇرىن شىعارىلدى.
«سونىمەن قاتار، جىل سايىن مەملەكەت تاراپىنان جوعارى ءبىلىم الۋعا مۇمكىندىكتەر كەڭەيۋدە. جالپى گرانتتاردىڭ سانىندا 45 پايىزدان استامى ينجەنەرلىك، قۇرىلىس، IT- ماماندىقتارعا بولىنگەن. 8 مىڭنان استام گرانت پەداگوگيكالىق كاسىپكە ارنالعان. 4 مىڭ گرانت جاراتىلىستانۋ عىلىمدارى، ماتەماتيكا جانە ستاتيستيكاعا باعىتتالدى. بيىل كونكۋرسقا قاتىسقان «التىن بەلگى» يەگەرلەرىنىڭ سانى 5 مىڭ 800-دەن استام بولدى، ونىڭ 4 مىڭ 600 دەن استامى گرانتتى الدى»، - دەدى ۆيتسە- مينيستر.
بۇدان بۇرىن حابارلانعانداي، بۇگىن 2019 -جىلعى مەملەكەتتىك ءبىلىم گرانتى يەگەرلەرىنىڭ تولىق ءتىزىمى جاريالاندى.
اۆتور: رۋسلان عابباسوۆ