شەنەۋنىكتەردى وتاندىق كولىك مىنۋگە مىندەتتەۋ قانداي ناتيجە بەرمەك

نۇر-سۇلتان. قازاقپارات – ق ر يندۋستريا جانە ينفراقۇرىلىمدىق دامۋ ۆيتسە-ءمينيسترى امانياز ەرجانوۆ مەملەكەتتىك ساتىپ الۋلار اياسىندا مەمورگاندارعا شەتەل اۆتوموبيلى مەن تەحنيكاسىن الۋعا تىيىم سالۋدان بولاتىن ناتيجەمەن ءبولىستى، دەپ حابارلايدى قازاقپارات ءتىلىشىسى.

«بىرنەشە جىلدان بەرى كەدەندىك وداق اۋمىعىندا، ياعني ە ا ە و اياسىندا ۇلتتىق رەجىمنەن الىپ تاستاۋ سەكىلدى تۇسىنىك قولدانىلىپ كەلەدى. وسى جىلدارى ءبىزدىڭ بيزنەس- قوعامداستىق بۇل رەتتە ءوتىنىم جاسامادى جانە مۇنداي جەڭىلدىكتەردى پايدالانبادى. وتكەن اپتادا ۇلتتىق رەجىمنەن الىپ تاستاۋدى بەلگىلەۋ بويىنشا ۇكىمەت قاۋلىسى قابىلداندى. ونىڭ تىزىمىنە اۆتوموبيلدەر، ترانسفورماتورلار مەن كابەلدەر ەندى»، - دەدى ا. ەرجانوۆ ۇكىمەت ۇيىندە وتكەن باسپا ءسوز ءماسليحاتىندا.

وسى ورايدا ول اتالعان تىيىم سالۋدىڭ تەتىگىن ءتۇسىندىردى.

اتاپ ايتقاندا، ءۇش بىردەي قاۋىمداستىق ءتيىستى ۇسىنىس ەنگىزىپ، وندا وسى ءونىم تۇرلەرى بويىنشا ۇلتتىق رەجىمنەن الىپ تاستاۋدى بەكىتۋ ەسكەرىلگەن. بۇل تۇرعىدا مەملەكەتتىك ساتىپ الۋلاردى ىسكە اسىرۋ كەزىندە ماشينا جاساۋ ونىمدەرى ءۇشىن، ياعني يمپورتتىق كولىكتەردى الۋعا ەكى جىلدىق تىيىم سالۋ رەجىمى بەكىتىلدى.

«تەك وتاندىق ءونىم ساتىپ الىنادى. وسى سالالاردا وتاندىق كاسىپورىنداردىڭ دامۋى بولادى دەپ جوسپارلىپ وتىرمىز. بۇدان بۇرىن وسى ءۇشىن ترانسفورماتور مەن اۆتوموبيل بويىنشا يمپورتتىق ءونىم الىنعان ەدى»، - دەدى ول.

بۇدان بۇرىن حابارلانعانداي، شەنەۋنىكتەر وتاندىق كولىك مىنۋگە مىندەتتەلەدى.

ۇكىمەت باسشىسى مەملەكەتتىك ساتىپ الۋلارعا يمپورتتىق اۆتوكولىكتەرگە 2 جىل مەرزىمگە تىيىم سالۋ تۋرالى قاۋلىعا قول قويدى.

اۆتور: رۋسلان عابباسوۆ