تۇركيادا «قازاق ءۇيى» جۇمىس ىستەي باستايدى
كەزدەسۋ «وتانداستار» قورى 30-31- شىلدە كۇندەرى تۇركياداعى قانداستارمەن ۇيىمداستىرعان بيزنەس-فورۋم اياسىندا ءوتتى.
«جۇزدەسۋدە تالعات ادۋوۆ بۇل ساپاردىڭ تۇركياداعى قازاق دياسپوراسى وكىلدەرىمەن ىسكەرلىك بايلانىس ورناتۋ جانە ولاردى قولداۋ اياسىندا ءوتىپ جاتقانىن ايتا كەلە، قور پرەزيدەنتى مەن دۇنيەجۇزىلىك قازاقتار قاۋىمداستىعى باسشىسىنىڭ سالەمىن جەتكىزدى»، - دەدى قوردىڭ باسپا ءسوز قىزمەتىنەن.
قازاق دياسپوراسى تاراپىنان كەزدەسۋگە تۇركياداعى قازاقتار قورلارىنىڭ باسشىلارى - قوجا احمەت ياساۋي اتىنداعى قوردان ءىلياس ساقا، قازاق-تۇرىك قوعامدىق عىلىمي-زەرتتەۋ بىرلەستىگىنىڭ ءتوراعاسى سەركان دينچتۇرك، بەلگىلى قوعام قايراتكەرى مانسۇر ءتايجى، پروفەسسور، قوعام قايراتكەرى ءابدىلۋاقاپ قارا جانە تۇركياداعى قازاق دياسپوراسىنىڭ باسقا دا بەلسەندى مۇشەلەرى قاتىستى.
تاراپتار قازاق ءتىلىن قولداۋ جانە دامىتۋ، تۇركياداعى قازاق دياسپوراسى جاستارىنىڭ ق ر ج و و- لارىنا تۇسۋىنە كومەكتەسۋ، ۇلتتىق مادەنيەت پەن برەندتەردى ساقتاۋ، بيزنەس ۇسىنىستاردى قولداۋ جانە دامىتۋ، قازاقستانعا ينۆەستيتسيا تارتۋ جانە تۇركياعا قازاقستاندىق ەكسپورتتى ىلگەرىلەتۋ ماسەلەلەرىن تالقىلادى.
كەزدەسۋدىڭ قۇرمەتتى قوناعى رەتىندە تۇركيانىڭ بەلگىلى قوعام قايراتكەرى، قازاق-تۇرىك قاتىناستارىن دامىتۋعا ۇلەس قوسقان تۇلعا نيلگۇن مەشە ءسوز سويلەدى.
«تالعات ادۋوۆ كەزدەسۋ اياسىندا تۇركياداعى قازاق دياسپوراسىمەن سەرىكتەستىك الاڭىن ناقتىلاۋ ماڭىزىنا توقتالىپ، وسى ورايدا قازاق ءۇيىن قۇرۋ جوباسىنىڭ، سونىمەن قاتار قازاق ءۇيىنىڭ قۇرامىنا كىرەتىن، تۇركياداعى قازاق دياسپوراسىنىڭ مادەنيەتى مەن بيزنەسىن ساقتاۋ مەن دامىتۋدى ماقسات تۇتقان «اباي» مادەني ورتالىعى مەن «اتامەكەن» ىسكەرلىك ءۇيىنىڭ ىسكە قوسىلىپ جاتقانىن اتاپ ءوتتى. سوندىقتان دا ىستانبۇلداعى «اباي» مادەني ورتالىعى مەن «اتامەكەن» ىسكەرلىك ءۇيى وكىلدەرىن بەلگىلەۋدىڭ ءمانى زور»، - دەلىنگەن باسپا ءسوز بايانىندا.
قازاق دياسپوراسىنىڭ وكىلدەرى قازاق ءۇيىن قۇرۋ جوباسىن قولدادى. تۇركياداعى قازاق دياسپوراسىمەن بىرگە «اباي» مادەني ورتالىعى مەن «اتامەكەن» ىسكەرلىك ءۇيى وكىلدەرىن بەلگىلەۋگە، سونىمەن قاتار ىسكەرلىك جانە مادەني بايلانىستى نىعايتۋ بويىنشا جۇمىستاردى جالعاستىرۋعا قول جەتكىزىلدى.
«وتانداستار» قورىنىڭ ءبىرىنشى ۆيتسە-پرەزيدەنتى شارا سوڭىندا دياسپورا مۇشەلەرى مەن كەزدەسۋگە شاقىرىلعان قوناقتارعا ەستەلىك كادەسىيلار تاپسىردى.
