اپتاپ ىستىق، جاڭبىر جانە جەل: بەيسەنبى كۇنگە ارنالعان اۋا رايى بولجامى

نۇر-سۇلتان. قازاقپارات - ەلىمىزدىڭ جەتى وڭىرىندە اپتاپ ىستىق بولادى، سونىمەن قاتار جەل كۇشەيىپ، جاڭبىر جاۋادى، دەپ حابارلايدى قازاقپارات قازگيدرومەتكە سىلتەمە جاساپ.

«1- تامىزدا فرونتالدىق بولىكتەردىڭ وتۋىنە بايلانىستى قازاقستاننىڭ باسىم بولىگىندە قۇبىلمالى اۋا رايى ساقتالادى، ەلىمىزدىڭ كەي جەرلەرىڭدە جاڭبىر جاۋىپ، نايزاعاي جارقىلدايدى، باتىستا جانە سولتۇستىك باتىستا قاتتى نوسەر جاۋادى. تەك رەسپۋبليكانىڭ وڭتۇستىگى مەن شىعىسىندا كۇن رايى اشىق بولادى. كەي جەرلەردە جەل كۇشەيەدى، داۋىل، شاڭدى داۋىل كۇتىلەدى، بۇرشاق جاۋۋى مۇمكىن، تۇندە جانە تاڭەرتەڭ تۇمان كۇتىلەدى»، دەلىنگەن سينوپتيكتەردىڭ بولجامىندا.

باتىس قازاقستان وبلىسىنىڭ كەي جەرلەرىندە داۋىل، بۇرشاق كۇتىلەدى، جەل 15-20، كەي جەرلەردە ەكپىنى 23-28 م/س كۇشەيەدى.

قىزىلوردا، اتىراۋ، اقتوبە وبلىستارىنىڭ كەي جەرلەرىندە داۋىل، تۇندە جەل 15-20 م/س كۇندىز 15-20، كەي جەرلەرىندە 23-25 م/س كۇشەيەدى، اتىراۋ وبلىسىنىڭ كەي جەرلەرىندە بۇرشاق جاۋۋى مۇمكىن.

سولتۇستىك قازاقستان وبلىسىنىڭ كەي جەرلەرىندە داۋىل، بۇرشاق كۇتىلەدى، تۇندە جانە تاڭەرتەڭ ءتۇمان تۇسەدى، كۇندىز جەل 15-20، ەكپىنى 23-28 م/س كۇشەيەدى.

قوستاناي وبلىسىنىڭ كەي جەرلەرىندە بۇرشاق جاۋۋى مۇمكىن، تۇندە جەل 15-20، كۇندىز 15-20 كەي جەرلەردە 23-25 م/س كۇتىلەدى.

اقمولا، جامبىل وبلىستارىنىڭ كەي جەرلەرىندە كۇندىز داۋىل، بۇرشاق كۇتىلەدى، جەل 15-20، اقمولا وبلىسىندا ەكپىنى 25 م/س كۇشەيەدى.

الماتى، پاۆلودار، كۇندىز تۇركىستان، ماڭعىستاۋ، قاراعاندى وبلىستارىنىڭ كەي جەرلەرىندە جەل 15-20 م/س كۇتىلەدى، پاۆلودار وبلىسىندا بۇرشاق، كۇندىز قاراعاندى وبلىسىندا داۋىل، تۇندە ماڭعىستاۋ وبلىسىندا تۇمان كۇتىلەدى.

كۇندىز اقمولا، جامبىل، قىزىلوردا، پاۆلودار، شىعىس قازاقستان وبلىستارىنىڭ باسىم بولىگىندە، سولتۇستىك قازاقستان، قاراعاندى وبلىستارىنىڭ كەي جەرلەرىندە قاتتى ىستىق كۇتىلەدى.

قىزىلوردا، تۇركىستان، جامبىل، الماتى، قاراعاندى وبلىستارىندا، اقتوبە، شىعىس قازاقستان، وبلىستارىنىڭ كەي جەرلەرىندە وتە جوعارى ءورت قاۋىپى ساقتالادى.