الماتى مەن وڭتۇستىك كورەيا اراسىنداعى ساۋدا-ەكونوميكالىق بايلانىس نىعايا تۇسپەك
كەزدەسۋدە ساۋدا-ەكونوميكالىق قاتىناستاردىڭ قازىرگى جاعدايى مەن مۇمكىندىكتەرى، مادەني-گۋمانيتارلىق بايلانىستاردى نىعايتۋ ماسەلەلەرى تالقىلاندى، دەپ حابارلايدى قازاقپارات ءتىلشىسى.
قازاقستان پرەزيدەنتى كاسىم-جومارت توقايەۆ وڭىرلەردىڭ ينۆەستيتسيالىق تارتىمدىلىعىن ارتتىرۋ مىندەتىن جۇكتەدى. وڭتۇستىك كورەيا - قازاقستاننىڭ 12 ءىرى ساۋدا سەرىكتەستەرىنىڭ ءبىرى. سوڭعى 10 جىل ىشىندە وڭتۇستىك كورەيانىڭ قازاقستان ەكونوميكاسىنا سالعان ينۆەستيتسياسىنىڭ كولەمى 4,5 ميلليارد ا ق ش دوللارىن قۇرادى.
الماتىدا وڭتۇستىك كورەيا كاپيتالىمەن جۇمىس ىستەيتىن 320 كاسىپورىن بار. ولار ساۋدا، مەديتسينا، قۇرىلىس جانە تەلەكوممۋنيكاتسيا سالالارى.
ب. ساعىنتايەۆ الماتىدا اشىلعان كورەيانىڭ ساۋدا جانە ينۆەستيتسيالار اگەنتتىگى (KOTRA) وكىلدىگىنىڭ ىسكەرلىك بايلانىستاردى نىعايتۋداعى ماڭىزدى ءرولىن اتاپ ءوتتى. وسى جىلدىڭ 5 ايىندا وتكەن جىلدىڭ سايكەس كەزەڭىمەن سالىستىرعاندا تاۋار اينالىمىنىڭ ءوسىمى %5,5 دى قۇرادى.
الماتى اكىمى قالادا مۇنايعا تاۋەلسىز سەرۆيستىك ەكونوميكا دامىعانىن اتاپ ءوتتى.
الماتى ەلىمىزدىڭ قارجى-ەكونوميكالىق ورتالىعى رەتىندە جوعارى ينۆەستيتسيالىق تارتىمدىلىققا يە. قالادا 185 مىڭنان استام ورتا جانە شاعىن بيزنەس بار. يندۋستريالدى ايماقتا، ينۆەستيتسيالىق جوبالارعا ءبىرقاتار جەڭىلدىكتەر قاراستىرىلعان. وسى جىلدىڭ ءساۋىر ايىندا اتالعان ايماقتا Hyndai زاۋىتىنىڭ قۇرىلىسى باستالدى.
ينفراقۇرىلىم مەن كولىك سالاسىنداعى ىنتىماقتاستىق دامۋدا. وتكەن جىلى الماتى قالاسىن «باتىس ەۋروپا - باتىس قىتاي» جۇيەسىنە قوساتىن ۇلكەن الماتى اينالما جولدىڭ قۇرىلىسى باستالدى. قۇرىلىسقا وڭتۇستىك كورەيالىق SK Group, Korea Expressway Corporation كومپانيالارى قاتىسۋدا. سونىمەن قاتار، Hyundai Rotem مەن الماتى ميتروپوليتى اراسىندا ەلەكترلىك جىلجىمالى قۇرامدى جەتكىزۋگە كەلىسىمشارت جاسالدى.
