14:23, 31 - شىلدە 2019 | GMT +5
پرەزيدەنت باس پروكۋرورعا جازاسىن وتەۋشىلەردى ازاپتاۋ دەرەكتەرىن تەرگەۋدى تاپسىردى
نۇر- سۇلتان. قازاقپارات - ق ر پرەزيدەنتى قاسىم- جومارت توقايەۆ تۇزەتۋ مەكەمەسىندە جازاسىن وتەۋشىلەردى ازاپتاۋ دەرەكتەرىنە قاتىستى باس پروكۋرورعا جان- جاقتى تەرگەۋ جۇرگىزۋدى تاپسىردى. بۇل تۋرالى مەملەكەت باسشىسى Twitter- دەگى پاراقشاسىندا جازدى.
«الماتى وبلىسى زارەچنوە اۋىلىنداعى تۇزەتۋ مەكەمەسىندە (ت م) جازاسىن وتەۋشىلەردى ازاپتاۋ دەرەكتەرىنە قاتىستى باس پروكۋرورعا جان- جاقتى تەرگەۋ جۇرگىزۋدى تاپسىردىم. ت م- ءنىڭ 5 قىزمەتكەرى ۇستالدى، ءبىرقاتارى جۇمىستان بوساتىلدى. ءى ءى م- گە ت م جاڭعىرتۋ تاپسىرىلدى. ازاماتتىق باقىلاۋدى كۇشەيتۋ قاجەت» دەلىنگەن حابارلامادا.
ايتا كەتەيىك، بۇعان دەيىن الەۋمەتتىك جەلىلەردە فورماداعى ادامداردىڭ تۇتقىنعا ءجابىر كورسەتۋى تۋرالى ۆيدەو تاراعان ەدى. بەينەجازبا قوعام نارازىلىعىن تۋدىردى.
سالدارىنان كولونيانىڭ 7 قىزمەتكەرى جۇمىستان شىعارىلدى.
بۇل وقيعاعا قاتىستى ق ر ىشكى ىستەر ءمينيسترى ەرلان تۇرعىمبايەۆ پىكىر بىلدىرگەن بولاتىن.
اۆتور: ەربول جانات