استاناداعى «جەڭىل رەلىستى» جول قۇرىلىسىنىڭ بۇرىنعى باسشىسىنا حالىقارالىق ىزدەۋ جاريالاندى

نۇر-سۇلتان. قازاقپارات - «استانا LRT» ج ش س- نىڭ بۇرىنعى باسقارما ءتوراعاسى تالعات اردانعا حالىقارالىق ىزدەۋ جاريالاندى.

بۇل تۋرالى ۇكىمەت ۇيىندە وتكەن باسپا ءسوز ءماسليحاتىندا كومپانيانىڭ قازىرگى باسشىسى بەكمىرزا يگەنبەردينوۆ ءمالىم ەتتى، دەپ حابارلايدى قازاقپارات ءتىلشىسى.

«استانا LRT» ج ش س- نىڭ بۇرىنعى باسقارما ءتوراعاسى تالعات اردانعا قاتىستى سىبايلاس جەمقورلىققا قارسى ءىس-قيمىل اگەنتتىگى دەپارتامەنتى تاراپىنان قىلمىستىق ءىس قوزعالدى. ونى قاماۋعا الۋ تۋرالى ءوتىنىش حات جولداندى»، - دەدى ب. يگەنبەردينوۆ.

ونىڭ سوزىنە قاراعاندا، ت. اردانعا قاتىستى سوتتىڭ سىرتتاي شەشىمى شىعارىلعان.

«وعان حالىقارالىق ىزدەۋ جاريالاندى. قازىرگى كەزدە ينتەرپول وسى ماسەلەمەن اينالىسىپ جاتىر»، - دەپ ناقتىلادى ول.

ايتا كەتەيىك، مەملەكەت باسشىسى قاسىم-جومارت توقايەۆ وسىعان دەيىن LRT قۇرىلىسى ماسەلەسىن ءبىرجولا اياقتاۋدى تاپسىرعان بولاتىن.