قىتاي نارىعى قازاقستاندىق ونىمدەر ءۇشىن تولىقتاي اشىق - ەلشى

نۇر-سۇلتان. قازاقپارات - قىتاي حالىق رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى چجان سياو قازاقستاندىق ونىمدەردى ءوز ەلىنە يمپورتتاۋ الەۋەتىنە قاتىستى پىكىر ءبىلدىردى، دەپ حابارلايدى «قازاقپارات» ح ا ا ءتىلشىسى.

«اۋىل شارۋاشىلىعىنا كەلەر بولساق، اكىمشىلىك جانە كەدەندىك كەدەرگىلەر تۇگەلدەي جويىلدى. ەندى قىتاي نارىعى قازاقستاننىڭ ەت، قۇس، ۇن، ءبيداي، جالپى كەز كەلگەن ءونىمنىڭ يمپورتىنا تولىقتاي اشىق»، - دەدى چجان سياو قىتاي حالىق-ازاتتىق ارمياسىنىڭ قۇرىلۋىنا 92 جىل تولۋىنا وراي وتكىزىلگەن سالتاناتتى قابىلداۋ شاراسىندا.

ونىڭ ايتۋىنشا، قىتاي ۇلكەن كولەمدەگى يمپورتتى قاجەت ەتەدى.

«بار ماسەلە - ونىمدەردىڭ كولەمىندە. سەبەبى، قىتاي - وتە ۇلكەن. ال مۇنداعى ۇسىنىستىڭ كولەمى - شەكتەۋلى (كولەمى جونىنەن). قازاقستان 5 نەمەسە 50 توننا ءونىمدى كوپ كورۋى مۇمكىن، الايدا قىتاي ءۇشىن بۇل - تۇك ەمەس. ول ءتىپتى ش ۇ ا ا- عا (شىڭجاڭ- ۇيعىر اۆتونوميالىق اۋدانى) دا جەتپەيدى»، - دەپ ءمالىم ەتتى ەلشى.

نۇر-سۇلتاندا ق ح ر- دىڭ قازاقستان رەسپۋبليكاسىنداعى ەلشىلىگىنىڭ ۇيىمداستىرۋىمەن قىتايدىڭ حالىق-ازاتتىق ارمياسىنىڭ قۇرىلۋىنا 92 جىل تولۋىنا وراي سالتاناتتى قابىلداۋ ءراسىمى ءوتتى. شاراعا قازاقستاندىق جانە قىتايلىق ديپلوماتتار، ەكى ەلدىڭ قورعانىس ۆەدومستۆولارىنىڭ وكىلدەرى قاتىستى.