شىن عاشىق بولعان ادامنىڭ بەلگىلەرى

نۇر-سۇلتان. قازاقپارات - عاشىقتىق - ءارقايسىمىزدىڭ باسىمىزدان ءبىر رەت بولسىن وتكەن، ەڭ ءتاتتى سەزىمدەردىڭ ءبىرى. جۇرەگىمىز الىپ-ۇشىپ، تاعاتسىزدانا سوقسا، ەندى بىردە قورقىنىش سەزىمىن ۇيالاتادى.

عاشىق بولساڭىز، ءومىرىڭىزدى سۇيىكتىڭىزسىز ەلەستەتە المايسىز. ارينە بۇعان دەيىن ءومىر سۇرگەنىڭىز انىق، الايدا ول كەزدە بار بولعانى تىرشىلىك يەسى عانا ەدىڭىز.

ماحاببات ءار ادامنىڭ باسىنان تۇرلىشە وتەدى. ونىڭ سۋبەكتيۆتى سەزىم ەكەنى راس. الايدا باسىنان وتكىزگەن كەز كەلگەن جان ماحابباتتىڭ الەمدەگى ەڭ تاماشا سەزىم ەكەنىن مويىندايدى.

شىن عاشىق بولعان ادامنىڭ بەلگىلەرى تومەندەگىدەي بولادى:

1- ءسىزدىڭ عاشىعىڭىز ءار كۇنىڭىزگە شاتتىق سىيلايدى

امەريكاندىق اكتەر ءارى مۋزىكانت چايلديش گامبينو ولەڭدەرىنىڭ بىرىندە «مەن جالعىز قالعان كەزدە تەك ءبىر وزىڭمەن بولۋدى ارماندايمىن» دەيدى. سول سەكىلدى سۇيىكتىڭىزدى كورەتىن كۇن - ناعىز باقىتتى شاق. ەگەر ءسىز شىن مانىندە بىرەۋدى جاقسى كورسەڭىز، ونى ۇنەمى كورگىڭىز كەلىپ تۇرادى.

2- ويانا سالىسىمەن ءبىرىنشى ويعا العان ادامىڭىز - ءسىزدىڭ ومىرلىك جارىڭىز

ول ادام تۋرالى تەك تاڭەرتەڭ ەمەس، ۇيىقتار الدىندا دا ويلايسىز. ءاردايىم قۋانىشىڭىزبەن ءبىرىنشى سول اداممەن بولىسكىڭىز كەلەدى. ال جامان ءبىر نارسە بولىپ قالعان جاعدايدا سول ادامنىڭ قولداۋىن ىزدەيسىز.

3- جەكە قىزىعۋشىلىقتارىڭىز ەكىنشى ورىنعا ىسىرىلادى

ماحاببات قۇرباندىقتى تالاپ ەتەدى. عاشىعىڭىزدىڭ قىزىعۋشىلىعى الدىڭعى قاتارعا شىعادى. ءسىزدىڭ قىزىعۋشىلىعىڭىز سۇيىكتىڭىزدىكىنىڭ جانىندا ماڭىزدى ءرول وينامايدى.

4- ءسىز ول ءۇشىن بارلىعىن جاساۋعا دايىنسىز

عاشىعىڭىز ءۇشىن نە ىستەي الاتىنىڭىز تۋرالى ءتىزىم جازار بولساڭىز، ءبىر داپتەردىڭ ءوزى جەتكىلىكسىز بولار. بىرەۋگە عاشىق بولعان كەزدە ول ادامنىڭ تىلەگىن مىندەتتى تۇردە ورىندايسىز.

ادامدى ۇناتقان كەزدە ول ءۇشىن ءبىر نارسە جاساي الاتىنىمىز انىق. الايدا مۇمكىندىكتەر شەكتەۋلى بولادى. ال ماحاببات ماسەلەسىندە ولاي ەمەس.

5- ءوز سەزىمىڭىزدى وزگەلەردىڭ الدىندا جاريا ەتۋدەن ەش قورىقپايسىز

عاشىق بولعان كەزدە جۇرەگىڭىزدەگى سەزىم تۋرالى بارلىعى بىلسە ەكەن دەپ ويلايسىز. ءوز سەزىمىڭىزدى جاريا ەتۋدەن جۇرەكسىنبەيسىز.

دەرەككوز: Reactor