اسقار جۇماعاليەۆ ح ق ك و- لارداعى قىزمەت كورسەتۋ ساپاسىن باقىلاۋدى كۇشەيتۋدى تاپسىردى

نۇر-سۇلتان. قازاقپارات – ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى اسقار جۇماعاليەۆ «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ جارتىجىلدىق جۇمىسىن قورىتىندىلادى، دەپ حابارلايدى قازاقپارات مينيسترلىكتىڭ باسپا ءسوز قىزمەتىنە سىلتەمە جاساپ.

كەڭەس بارىسىندا «ازاماتتارعا ارنالعان ۇكىمەت «مەملەكەتتىك كورپوراتسياسى» ك ە ا ق باسشىلىعى 2019-جىلدىڭ العاشقى جارتىجىلىندا اتقارعان جۇمىستارىنىڭ ناتيجەلەرى تۋرالى ەسەپ بەردى. سونىمەن قاتار، ح ق ك و- دا قىزمەت كورسەتۋ ساپاسىن ارتتىرۋ بويىنشا، ونىڭ ىشىندە قۇجاتتاردى رەسىمدەۋ جانە كۇتۋ كەزىندە زاڭ بۇزۋشىلىقتارعا جول بەرمەۋ شارالارى دا ءسوز بولدى.

«ازاماتتارعا ارنالعان ۇكىمەت» ك ە ا ق جانە ونىڭ اۋماقتىق بولىمشەلەرى باسشىلىعىنىڭ قاتىسۋىمەن بەينەكونفەرەنتسيا فورماتىندا وتكەن كەڭەستە ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى اسقار جۇماعاليەۆ كەيبىر ح ق ك و- لارداعى ۇدەرىستەردى ءتيىستى دارەجەدە ۇيىمداستىرماعانى ءۇشىن قىزمەتكەرلەرگە جەكە جاۋاپكەرشىلىك جۇكتەلەتىنىن ايتىپ ءوتتى. سونىمەن قاتار، مينيستر قىزمەت كورسەتۋ ساپاسىن باقىلاۋدى كۇشەيتۋ جانە ۇزىن-سونار كەزەكتەردى بولدىرماۋ بويىنشا شارالار قابىلداۋدى دا تاپسىردى.

اسقار جۇماعاليەۆ ازاماتتارعا ەلەكتروندىق ۇكىمەتتىڭ Telegram-بوت @EgovKzBot (25 قىزمەت قولجەتىمدى) جانە mGov موبيلدىك قوسىمشاسى (77 قىزمەت قولجەتىمدى) ارقىلى قىزمەتتەردى الۋدى ۇيرەتۋدىڭ ماڭىزدىلىعىن باسا ايتىپ ءوتتى. وسىلارمەن بىرگە، اتالعان قوسىمشالار ارقىلى قازاقستاندىقتارعا قولجەتىمدى قىزمەتتەردىڭ سانىن ودان ءارى ارتتىرۋ قاجەتتىلىگى دە ءسوز بولدى.

«جەرگىلىكتى جەرلەردەگى ح ق ك و باسشىلارىنىڭ مىندەتى - بىرىنشىدەن، كورسەتىلەتىن قىزمەتتى، قۇجاتتى كۇتۋ ۋاقىتىن بارىنشا ازايتۋ جانە كۇتۋ زالدارىن ازاماتتار ءۇشىن جايلى ەتۋ؛ ەكىنشىدەن، حالىققا ساپالى قىزمەت كورسەتۋ بويىنشا قۇزىرەتتىلىگى مەن دايىندىعىن ارتتىرۋعا پەرسونالدى ىنتالاندىرۋ؛ ۇشىنشىدەن، قىزمەتكەر ح ق ك و- عا كەلۋشىنى ودان ءارى قانداي دا ءبىر قىزمەتتى ونلاين، ياعني ءوز بەتىنشە الۋعا ۇيرەتۋى ءتيىس. مەن شاعىمدار مەن ەسكەرتۋلەر بويىنشا اقپاراتتى تۇراقتى تۇردە الىپ وتىرامىن جانە بارلىق وزگەرىستەردىڭ ديناميكاسىن جەكە باقىلايتىن بولامىن»، - دەپ اتاپ ءوتتى اسقار جۇماعاليەۆ.

كەڭەس بارىسىندا كەلۋشىلەر مەن قىزمەتكەرلەردىڭ جايلىلىعى ءۇشىن ح ق ك و- لاردى جيھازبەن، قاجەتتى ۇيىمداستىرۋ تەحنيكاسىمەن جاراقتاندىرۋعا، تەمپەراتۋرالىق رەجيمدى ساقتاۋعا، سونداي-اق اقپاراتتىق جۇيەلەردىڭ ۇزدىكسىز جۇمىس ىستەۋ ماسەلەلەرىنە ەرەكشە نازار اۋدارۋ تاپسىرىلدى.

كەڭەس قورىتىندىسى بويىنشا مينيستر مەمكورپوراتسيا باسشىلىعىنا سالعىرتتىق تانىتىپ، جۇمىستارىنا ءتيىستى دەڭگەيدە اتقارماي وتىرعان ايماقتىق قۇرىلىمدىق بولىمشەلەردىڭ جەكەلەگەن باسشىلارىنا سوگىس جاريالاۋدى ۇسىندى.