سەناتور يندەر اۋدانىنداعى اۋىل تۇرعىندارىن الاڭداتاتىن ماسەلەلەرمەن تانىستى
جۇزدەسۋگە وبلىستىق، اۋداندىق ءماسليحات دەپۋتاتتارى، كاسىپكەرلەر، شارۋا قوجالىقتارى، مەكەمە، كاسىپورىن باسشىلارى، ارداگەرلەر، الەۋمەتتىك سالا قىزمەتكەرلەرى، اكىمشىلىك ءبولىم باسشىلارى جانە اۋىل تۇرعىندارى قاتىستى.
كەزدەسۋ بارىسىندا تۇرعىندار اۋىلداعى الەۋمەتتىك ماسەلەلەر شەشىمىن تاۋىپ كەلە جاتقانىن اتاپ ءوتتى. دەگەنمەن، جەرگىلىكتى تۇرعىنداردى الاڭداتىپ وتىرعان ماسەلەلەر دە بار ەكەنى ايتىلدى. جايىق وزەنى سۋىنىڭ جىلدان جىلعا ازايىپ بارا جاتقانى، ورمان-توعايدىڭ جاعدايى ناشارلاعانى، شابىندىق، مال ازىعى جەتىسپەيتىنىن، مال ۇرلىعى توقتاماي تۇرعانى ءسوز بولدى. تۇرعىندار وسى ماسەلەلەردى ورتالىقتان جۇيەلى تۇردە قاراسا دەگەن تىلەكتەرىن ءبىلدىردى. سونىمەن بىرگە، جەر كودەكسىنىڭ ەرەجەلەرى جاس جانە جاڭادان كاسىپ باستايتىن ادامدارعا كەدەرگى جاساپ وتىر دەگەن پىكىر ايتىلدى.
سەناتور سارسەنباي ەڭسەگەنوۆ مەملەكەت تاراپىنان قايتارىمسىز نەسيە الىپ، ءوز ءىسىن باستاعان جاس كاسىپكەرلەرمەن كەزدەستى. ولاردىڭ ءبىرى 1995 -جىلدان بەرى جۇمىسسىز جۇرگەن جاڭاشا يمانقۇلوۆا قايتارىمسىز كرەديت الىپ، شاشتاراز قىزمەتىن قولعا العان. مەملەكەتتىڭ وسى باعىتتاعى ساياساتىنا ريزاشىلىعىن ءبىلدىردى.
سارسەنباي ەڭسەگەنوۆ سۋرەتشى تىلەك حاليننىڭ ەل، اۋىل تاريحى، سالت-ءداستۇردى باياندايتىن، تاربيەلىك جانە تانىمدىق ماڭىزعا يە سۋرەت گالەرەياسىندا بولدى. زەينەتكەر سۋرەتشى تاجىريبەسى مەن ءبىلىمىن جاستارعا ۇيرەتۋدە.