پارتيا ازاماتتار ءۇشىن اشىق ءارى قولجەتىمدى بولۋى كەرەك - قاسىم-جومارت توقايەۆ
قاسىم-جومارت توقايەۆقا «Nur Otan» پارتياسىنىڭ قازىرگى جاعدايى، مەملەكەتتىك ورگاندارمەن ءوزارا ىقپالداستىق تەتىكتەرىن جانداندىرۋ جانە پرەزيدەنت اكىمشىلىگىمەن بىرلەسكەن جۇمىستاردى قامتاماسىز ەتۋ جونىندە مالىمەت بەرىلدى.
باۋىرجان بايبەك وڭىرلەرگە جاساعان ساپارلارىنىڭ قورىتىندىلارى، باستاۋىش پارتيا ۇيىمدارىمەن جۇمىس جانە پارتيا قاتارىن تازارتۋ ۇدەرىسى تۋرالى باياندادى. سونىمەن قاتار، ول دەموكراتيالىق كۇشتەردىڭ جالپىۇلتتىق كواليتسياسى جۇمىسىنىڭ توقتاعانى جانە پارتيانىڭ ۇلتتىق قوعامدىق سەنىم كەڭەسىنىڭ جۇمىسىنا ينستيتۋتسيونالدى قاتىسۋ جوسپارى جونىندە حابارلادى.
قازاقستان پرەزيدەنتى پارتيا مەن حالىق اراسىنداعى بايلانىستى كۇشەيتۋدىڭ ماڭىزدىلىعىن ايتتى. مەملەكەت باسشىسى پارتيا مۇشەلەرىن ەل ومىرىنە بەلسەندى اتسالىسۋعا جانە حالىققا جاقىن بولۋعا شاقىردى.
«پارتيا ازاماتتار ءۇشىن اشىق ءارى قول جەتىمدى بولۋى، حالىقتىڭ مۇددەسىن ءتيىمدى قورعاۋى ءتيىس. پارتيانىڭ قوعامدىق قابىلداۋلارى پرەزيدەنتتىڭ ۆيرتۋالدى قابىلداۋىمەن تىعىز بايلانىستا بولىپ، تۇرعىنداردىڭ ماسەلەلەرىن شەشۋدىڭ شىنايى تەتىگىنە اينالۋى قاجەت»، - دەدى قاسىم-جومارت توقايەۆ.