16:08, 26 - شىلدە 2019 | GMT +5
قاسىم-جومارت توقايەۆ التاي كولگىنوۆكە ءبىرقاتار تاپسىرما بەردى
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ نۇر-سۇلتان قالاسىنىڭ اكىمى التاي كولگىنوۆتى قابىلدادى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.
قازاقستان پرەزيدەنتىنە 2019 -جىلدىڭ ءبىرىنشى جارتىجىلدىعىنداعى ەلوردانىڭ الەۋمەتتىك- ەكونوميكالىق دامۋى جونىندە مالىمەت بەرىلدى.
قاسىم-جومارت توقايەۆ التاي كولگىنوۆكە قالاداعى سالىنىپ جاتقان قۇرىلىس نىساندارىنىڭ قارقىنىن كۇشەيتۋ، قولجەتىمدى باسپانا سالۋ، ينۆەستيتسيا تارتۋ ءىسىن جانداندىرۋ جانە جاڭا جۇمىس ورىندارىن اشۋ، سونداي-اق الەۋمەتتىك جاعدايى تومەن وتباسىلاردىڭ تۇرمىسىن جاقسارتۋ ءۇشىن ءبىرقاتار تاپسىرما بەردى.