ق ر پرەزيدەنتى قاسىم-جومارت توقايەۆ بوريس دجونسوندى قۇتتىقتادى
مەملەكەت باسشىسى قازاقستان حالقىنىڭ جانە جەكە ءوزىنىڭ اتىنان بوريس دجونسوندى ۇلى بريتانيا بىرىككەن كورولدىگىنىڭ جانە سولتۇستىك يرلانديانىڭ پرەمەر-ءمينيسترى لاۋازىمىنا سايلانۋىمەن قۇتتىقتادى.
«باسقارۋشى توري پارتياسىنىڭ كوشباسشىسىن سايلاۋداعى ءسىزدىڭ ايقىن جەڭىسىڭىز ۇلى بريتانيانىڭ يگىلىگى جولىندا قول جەتكىزگەن تاڭقالارلىق تابىستارىڭىزدىڭ جانە ادال قىزمەتىڭىزدىڭ مويىندالۋىن كورسەتەدى»، - دەلىنگەن جەدەلحاتتا.
مەملەكەت باسشىسى قازاقستان مەن ۇلى بريتانيانىڭ ستراتەگيالىق سەرىكتەستىكتى بەرىك دوستىق، ءوزارا سەنىم مەن تۇسىنىستىك نەگىزدە دامىتىپ وتىرعانىن اتاپ ءوتتى. قازاقستان پرەزيدەنتى ەكىجاقتى ىنتىماقتاستىقتى ودان ءارى نىعايتۋعا جانە جاڭا ينۆەستيتسيالىق مۇمكىندىكتەردىڭ اشىلۋىنا سەنىم ءبىلدىردى.
قاسىم-جومارت توقايەۆ بوريس دجونسونعا جاڭا قىزمەتتە تابىس، سونداي-اق، بريتان حالقىنا باق-بەرەكە تىلەدى.
ەسكە سالا كەتسەك، بوريس دجونسون ۇلى بريتانيانىڭ كونسەرۆاتيۆتىك پارتيا جەتەكشىسىن سايلاۋدا جەڭىسكە جەتىپ، ۇلى بريتانيانىڭ پرەمەر-ءمينيسترى اتانعان بولاتىن.