ا ق ش ەلشىلىگى قازاقستانعا تۋبەركۋلەزدى ەرتە انىقتايتىن قۇرىلعىلار سىيلادى
جوبانى USAID (ا ق ش حالىقارالىق دامۋ اگەنتتىگى) جۇزەگە اسىرۋدا.
«جيىرما جىلدان استام ۋاقىت بويى USAID وتباسى دەنساۋلىعىن ساقتاۋ ءۇشىن، تۋبەركۋلەزبەن بايلانىستى ءولىم-ءجىتىم سانىن ازايتۋ ءۇشىن، اۋرۋدى ءتيىمدى ەمدەۋ بويىنشا قازاقستان ۇكىمەتىمەن، مەديتسينالىق قىزمەتكەرلەرىمەن جانە ازاماتتىق قوعامىمەن جۇمىس ىستەپ كەلەدى. بىرلەسە جۇمىس ىستەۋ ارقىلى قازاقستانداعى تۋبەركۋلەز جۇكتەمەسىن ازايتۋدا ەلەۋلى تابىستارعا قول جەتكىزدىك»، - دەپ اتاپ ءوتتى قازاقستانداعى ا ق ش ەلشىسى ۋيليام موزەر.
ەلشىنىڭ ايتۋىنشا، 2018-جىلى ب ۇ ۇ باس اسسامبلەياسىندا تۋبەركۋلەز بويىنشا جوعارى دەڭگەيلى جينالىستا امەريكا قۇراما شتاتتارى 2022-جىلعا قاراي الەمدە 40 ميلليون ادامدى ەمدەۋ مىندەتىن مويىنعا العان.
«بۇل ماقساتقا جەتۋ ءۇشىن USAID اكىمشىسى مارك گرين «تۋبەركۋلەزدى جوياتىن جاھاندىق اكسەلەراتور» جاڭا يننوۆاتسيالىق مودەلىن جاريالادى. بۇل تۋبەركۋلەزدى جويۋ ءۇشىن وعان قارسى بارلىق رەسۋرستاردى قولدانۋعا باعىتتالعان. وسى ورايدا ا ق ش پەن قازاقستان ۇكىمەتى تۋبەركۋلەزگە قارسى كۇرەستەگى سەرىكتەستىك قارىم-قاتىناستى جالعاستىرادى. قازاقستان ۇكىمەتىمەن بىرلەسىپ جۇمىس ىستەۋ ارقىلى قازاقستاندىق وتباسىلاردىڭ اماندىعىنا عانا ەمەس، جاھاندىق تابىستى ەمدەۋ ماقساتىنا دا قول جەتكىزەمىز»، دەدى - ا ق ش ەلشىسى.
ول GeneXpert اپپاراتتارىنىڭ دياگنوستيكاداعى ۇزدىك قۇرىلعى ەكەنىن اتاپ ءوتتى. قۇرىلعى تۋبەركۋلەزدى انىقتاۋ دالدىگىن ارتتىرادى جانە دياگنوستيكا مەن ەمدەۋ اراسىنداعى ۋاقىتتى قىسقارتادى.
«بيىل USAID تۋبەركۋلەزبەن كۇرەس بويىنشا تاعى ءبىر وڭىرلىك جوبانى باستايدى. جوبا «ورتالىق ازياداعى تۋبەركۋلەزدى جويۋ» نەمەسە ETICA دەپ اتالادى جانە بۇل وڭىردەگى تۋبەركۋلەز بويىنشا بارلىق ۇلتتىق باعدارلامالارعا قولداۋ كورسەتەدى. سونداي-اق، USAID قازاقستانداعى تۋبەركۋلەزگە قارسى پرەپارات وندىرۋشىلەرگە تەحنيكالىق كومەك كورسەتەدى»، - دەدى ۋ. موزەر.
ءوز كەزەگىندە ق ر دەنساۋلىق ساقتاۋ ۆيتسە-ءمينيسترى ءلاززات اقتايەۆا ا ق ش ەلشىسىنە العىس ءبىلدىردى جانە قازاقستاندا ءدال وسىنداي 59 اپپاراتتىڭ جۇمىس ىستەپ جاتقانىن جەتكىزدى.
«ەلىمىزدە جەدەل دياگنوستيكالاۋ تەحنولوگيالارى تابىستى ەنگىزىلىپ جاتىر. ءدال وسىنداي 59 اپپارات رەسپۋبليكا اۋرۋحانالارىندا جۇمىس ىستەپ جاتىر. بۇگىن ەلىمىز تاعى 50 GeneXpert اپپاراتىن الدى. بۇل ارقىلى از ۋاقىتتا ناقتى دياگنوزدى قويۋعا بولادى جانە تۋبەركۋلەزگە قارسى پرەپاراتقا ناۋقاس اعزاسىنىڭ قالاي اسەر ەتەتىنىن دە بىلە الامىز»، - دەدى ۆيتسە-مينيستر.
ايتا كەتەيىك، GeneXpert قۇرىلعىلارى ەڭ الدىمەن اپپارات سانى از جامبىل، قىزىلوردا، قوستاناي، قاراعاندى، پاۆلودار، تۇركىستان، نۇر-سۇلتان، الماتى قالالارىنا جەتكىزىلەدى.
